БНСУ-ын Күүкмин их сургуулийн 2022-2023 оны хичээлийн жилийн хаврын улирлын тэтгэлэгт оюутан солилцооны хөтөлбөрт хамрагдахыг урьж байна.
Шаардлага:
- МУИС-ийн бакалаврын түвшний идэвхтэй суралцаж буй оюутан байх (төгсөх болзол хангаагүй байх).
- Хамгийн багадаа 2 улирал амжилттай суралцсан байх
- Голч дүн 3.2 болон түүнээс дээш байх
- Хэлний түвшин: Англи/Солонгос хэлний дунд ба дундаас дээш мэдлэгтэй байх
- Солонгост суралцаж байх хугацаанд Солонгос хэл, судлалын 1 хичээл заавал судлах
- Өмнө БНСУ-ын Засгийн газрын тэтгэлэгт хамрагдаж байгаагүй байх
- Бусад ямар нэгэн тэтгэлэгт шалгараагүй байх
- Гадаадын (2 иргэншилтэй) иргэншилгүй байх
Бүрдүүлэх материалууд /бүх материалууд англи эсвэл солонгос хэл дээр байна:
- Kookmin university Application form татах (бөглөх хэсгийг шивж оруулна, гарын үсгийг гараар зурна)
- GKS application form татах (бөглөх хэсгийг шивж оруулна, гарын үсгийг гараар зурна)
- Сургуулийн тодорхойлолт /англи хэл дээр, ТҮЦ машигаас авсан байх/
- Албан ёсны дүнгийн хуулбар /англи хэл дээр ТҮЦ машигаас авсан байх/
- Тодорхойлох захидал (Багшийн гарын үсэг, тамгатай байх, албан бичгийн загвараар бичсэн байна)
- Өөрийн танилцуулга, ирээдүйн зорилго бүхий эссэ – personal statement plan (1-2 хуудас, англи эсвэл солонгос хэл дээр шивсэн байх)
- Суралцах төлөвлөгөө бүхий эсээ – study plan (1-2 хуудас, англи эсвэл солонгос хэл дээр шивсэн байх)
- Англи эсвэл Солонгос хэлний дундаас дээш онооны батламж, сертификат (байгаа бол давуу тал болно)
- Гадаад паспортын хуулбар (хүчинтэй хугацаа нь 1 жилээс дээш байх)
Суралцах хугацаа: 1 улирал
Тэтгэлэг /дараах зардлыг БНСУ-ын Засгийн газраас олгоно/:
- Сургалтын төлбөр
- Стипенд: 500,000 вон
- Суурьших зардал: 200,000 вон
- Тээврийн зардал /нэг удаагийн/
- Эрүүл мэндийн даатгал
Өргөдөл хүлээн авах эцсийн хугацаа: 2022 оны 12 дугаар сарын 12-ны 12:00 цаг хүртэл.
Оюутан, төгсөгчийн хэлтэс
