МУИС болон Япон Улсын Шига их сургуулийн хооронд байгуулсан оюутан солилцооны гэрээний дагуу 2023-2024 оны хичээлийн жилийн намрын улирлын оюутан солилцооны хөтөлбөрийг зарлаж байна.
Шаардлага:
- МУИС-ийн бакалаврын 2, 3 дугаар түвшний болон магистрын түвшний идэвхтэй суралцаж буй оюутан байх
- Экологи болон Антропологийн чиглэлээр суралцдаг байх
- Голч оноо 3.0 ба түүнээс дээш
- Англи, япон хэлний дундаас дээш түвшний мэдлэгтэй байх
Бүрдүүлэх материал:
- Application form татах
- Certificate of eligibility татах
- Эрүүл мэндийн бичиг татах
- Эрүүл мэндийн мэдээлэл татах
- Дотуур байрны өргөдөл татах
- Санамж бичиг татах
- Сургуулийн тодорхойлолт /англи хэл дээр, ТҮЦ машинаас авсан байх/
- Албан ёсны дүнгийн хуулбар /англи хэл дээр, ТҮЦ машинаас авсан байх /
- Тодорхойлох захиа /англи эсвэл япон хэл дээр/. Тодорхойлолт гаргагчийн албан ёсны хаяг, гарын үсэг, тамгатай байна
- Суралцах төлөвлөгөө /англи эсвэл япон хэл дээр, шивсэн байна/
- Англи хэлний болон япон хэлний онооны батламж, сертификат
- Гадаад паспортын хуулбар /хүчинтэй хугацаа 6 сараас дээш/
- 6 сараас хэтрээгүй цээж зураг 2 хувь (зургаар болон файлаар)
Хамрагдах оюутны тоо: 1 оюутан
Сургалтын төлбөр, зардал: сургалтын төлбөрөөс чөлөөлнө. Дотуур байр, тусгаарлалтын зардал, амьжиргааны зардлыг оюутан өөрөө хариуцна.
Японд очихоосоо өмнө Үндэсний эрүүл мэндийн даатгалын систем, Судалгаа болон сургалтад хамрагдах суралцагчийн гэнэтийн ослын даатгалд (Япон улс) бүртгүүлсэн байх шаардлагатай.
Хүсэлт хүлээн авах эцсийн хугацаа: 2023 оны 03 дугаар сарын 30-ны өдрийн 15.00 цаг
Оюутны хөгжлийн төв нь шаардлага хангасан оюутны материалыг Шига их сургуульд илгээх ба дараагийн шатны сонгон шалгаруулалтыг Шига их сургууль хийнэ. Тэнцсэн оюутан онлайн өргөдөл, бусад нэмэлт баримтыг Шига Их Сургуулиас шаардсаны дагуу дахин бүрдүүлэн илгээхийг анхаарна уу.
Хүсэлт гаргагч нь өөрийн бүрдүүлсэн материалыг Оюутны хөгжлийн төвд (МУИС-ийн хичээлийн II байрны ард байрлах Багш, оюутны хөгжлийн төвийн 306 тоот) өөрийн биеэр авчирч өгөх ба өөрийн материалыг нэг багц PDF файл болгон studentaffairs@num.edu.mn хаягаар ирүүлнэ үү.
ОЮУТНЫ ХӨГЖЛИЙН ТӨВ
