МУИС, ШУС-н Байгалийн ухааны салбарын Биологийн тэнхим, Швейцарын Лаузанне-ийн их сургууль болон Ирвэс хамгаалах сангийн хооронд хамтын ажиллагааг идэвхжүүлэх зорилгын хүрээнд 2023 оны 4-р сарын 6-ны өдөр МУИС дээр “Альпийн нуруунаас Алтай нуруу хүртэл: Швейцар болон Монгол дахь махчин амьтдын мониторинг судалгааны ажлын сургамж” сургалтыг зохион байгуулав.
Уг сургалтад Монгол улсын хэмжээнд том махчин амьтдын мониторинг, экологи, биологийн сургалт, судалгааг гүйцэтгэн явуулдаг МУИС, МУБИС, ХААИС, ШУА-н Биологийн хүрээлэн болон байгаль хамгааллын салбарт үйл ажиллагаагаа явуулдаг WWF, WCS, ZSL байгууллагуудын судлаач нар оролцлоо.
Сургалтыг Лаузанне-ийн их сургуулийн профессор, доктор Филипп Кристе, Швейцарийн KORA (Махчин амьтдын экологи ба Зэрлэг амьтдын менежмент) байгууллагын судлаач, Лаузанне-ийн их сургуулийн доктор Фридолин Зиммерман нар удирдан “Швейцар дахь том биет махчин амьтдын мониторинг судалгаа ба менежмент”, “Нэг эрүүл мэнд: Махчин амьтдын хамгаалал ба менежмент” сэдэвтэй лекц уншиж, зэрлэг амьтдын автомат камерын судалгааны ажлыг хэрхэн зохион байгуулах тухай дадлага хичээлийг амжилттай зохион байгуулав.
Сургалтыг зохион байгуулахад гүн туслалцаа үзүүлсэн МУИС-н “SALAB”, МУИС-н Хангамж үйлчилгээний газар, Ирвэс хамгаалах санд талархал илэрхийлье.
Сургалтад оролцогчид, 2023 оны 4-р сарын 6
