2023.04.21-ний өдөр “NUM CAREER”, “Зориг сан”, МУИС-ийн оюутны байрны үйлчилгээ хариуцсан мэргэжилтэн нар хамтран ажил мэргэжлийн чиг баримжаа олгох ээлжит сургалтаа амжилттай зохион байгууллаа. Энэ удаагийн сургалт нь оюутнуудын зөөлөн ур чадварыг хөгжүүлэх, хувийн карьер төлөвлөлтдөө үнэтэй хувь нэмэр оруулах боломжийг олгох зорилгоор дотуур байрны оюутнуудад зориулан “Хэрхэн өөртөө итгэлтэй, эмх цэгцтэй ярих вэ?” сэдвээр “UNNU.NEWS”-ийн үүсгэн байгуулагч Х.Цогтбилгүүндарь сонирхолтой лекц уншлаа.
Илтгэлийн дараа оюутнууд зочин илтгэгчээс хөдөлмөрийн зах зээл, хувь хүний хөгжлийн талаар сонирхолтой асуулт асууж хэлэлцүүлэг өрнүүлэв. Мөн оюутнуудад “NUM CAREER” үйл ажиллагааны талаар товч танилцуулга хүргэж, “CV бичих арга, аргачлал”-ын талаар сургалт орлоо.
“NUM CAREER” нь суралцагч, төгсөгч оюутнуудад ажил мэргэжлийн баримжаа олгох, карьер төлөвлөлтөө хийхэд туслах, дэмжих, ажлын байранд бэлтгэх, зуучлах, суралцагчдад зөөлөн ур чадварыг эзэмшүүлэх замаар хөдөлмөрийн зах зээлд чанартай, өрсөлдөх чадвар өндөртэй боловсон хүчин бэлтгэх зорилгоор карьер хөгжлийн олон талт үйлчилгээг хүргэж үйлчилж байна.
