МУИС-ийг 2011-2020 онд хөгжүүлэх стратегийн зорилтуудыг хангахад дэмжлэг үзүүлэх, дээд боловсролын талаарх МУИС-ийн бодлого, баримтлах үндсэн зарчмыг тодорхойлоход хэрэглэх зорилгоор дараах чиглэлээр судалгааны дотоод төсөл зарлаж байна. Профессор багш, судлаач та бүхнийг оролцохыг урьж байна.
- 1. Судалгааны ерөнхий сэдэв: Дээд боловсролын бодлогын шинжилгээ
Дэд сэдэв:
- Төрийн дээд боловсролын талаарх сүүлийн 20 жилийн бодлого, стратеги, тэдгээрийн хэрэгжилт
- Дээд боловсролын санхүүжилт, менежмент
- Судалгааны ерөнхий сэдэв: Дээд боловсролын эрэлт, нийлүүлэлтийн шинжилгээ
Дэд сэдэв:
- Дэлхийн дээд боловсролын зах зээлийн хандлага
- Монголын дээд боловсролын эрэлт, нийлүүлэлтийн өнөөгийн байдал, цаашид анхаарах асуудал
- Монгол оюутнуудын гадаадад суралцах сонирхол, чиглэл
- 3. Судалгааны ерөнхий сэдэв: Сургалтын хөтөлбөрийн шинжилгээ
Дэд сэдэв:
- Бакалаврын зэрэг олгох сургалтын чиглэл, хөтөлбөрийн судалгаа
- Салбар дамнасан /interdisciplinary and multidisciplinary/ хөтөлбөр бий болгох, хөгжүүлэх боломж
Дээрх ерөнхий сэдэв бүрээр нэг судлаачдын баг /нийтдээ гурван баг/ шалгаруулах ба судалгааны ажил 2013 оны 1 дүгээр сарын 1-нээс 2 дугаар сарын 15-ний хооронд үргэлжилнэ. Баг бүр судалгааны ажил эхэлснээс хойш нэг сарын дараа дунд хугацааны тайлан, 2013 оны 2 дугаар сарын 15-нд эцсийн тайланг гэрээлэгч талд хүлээлгэн өгч, судалгааны ажлын үр дүнг танилцуулсан хэлэлцүүлэг хийнэ. Баг бүрийн ажлын санхүүжилтийн хэмжээ 5 сая төгрөг болно.
Төслийн саналын загвар, төслөөс хүлээгдэж буй үр дүн, судлаачдын багт тавьж буй шаардлагын талаарх мэдээллийг http://www.num.edu.mn цахим хуудас дахь Бакалаврын сургалтын алба/Холбоотой мэдээлэл хэсгээс авна уу.
Дотоод төсөлд оролцох хүсэлтэй профессор багш, судлаачид 2012 оны 12-р сарын 25-ны дотор төслийн саналыг загварын дагуу бэлтгэн, доор дурдсан хаягаар ирүүлнэ үү.
МУИС-ийн БСА-ны ахлах мэргэжилтэн Ж.Байгалмаа
Хичээлийн 1 дүгээр байр, 220 тоот өрөө
Утас: 318161, 77307730 /1124, 1125/
Цахим шуудан: num_baigal@yahoo.com, baigal@num.edu.mn
