МУИС-ШУС-БУС-ын Математикийн тэнхимийн Профессор Цэндийн Лхамсүрэн багшийн нэрэмжит анхны тэтгэлгийг Математикийн тэнхимийн 4-р түвшний оюутан А.Учрал-Эрдэнэ 2023 оны тавдугаар сарын 29-ны өдөр гардан авлаа. Энэхүү тэтгэлгийг 2022-2023 оны хичээлийн жилээс эхлэн олгож байгаа бөгөөд математикийн чиглэлээр суралцаж байгаа МУИС-ийн бакалаврын түвшний оюутны сургалт, ирээдүйн шинжлэх ухааны чадварыг дэмжих зорилготой юм.
Тэтгэлгийг Ц.Лхамсүрэн багшийн хүү Физикийн тэнхимийн Профессор Л.Энхтөр багш болон Математикийн тэнхимийн эрхлэгч З.Ууганбаяр нар гардуулан өглөө.
