Берлин хот руу аялах онгоцны тийз болон “Falling Walls Lab International Finale”-д олон улсын 100 гаруй үндэсний ялагчидтай өрсөлдөх эрхийг хожих боломж дуусахад гурван хоног үлдлээ.
Эрхэм хүндэт эрдэмтэн, доктор, судлаач, мэргэжилтэн, шинийг санаачлагч залуучуудын анхааралд!
Шинийг эрэлхийлэгч залуу судлаач, эрдэмтэн, мэргэжилтнүүдэд зориулсан шинжлэх ухаан, дэвшилтэт технологи, судалгааны шинэлэг формат бүхий “Falling Walls Lab Mongolia‘23″ форумд та бүхнийг идэвхтэй оролцохыг урьж байна.
Форум нь салбар харгалзахгүй, олон талт оролцогчдод өөрсдийн инновацийг жолоодох, харилцааны ур чадвараа хөгжүүлэх, хамтын ажиллагааг дэмжих, үр нөлөөтэй, тогтвортой хамтын нийгэмлэгийг хөгжүүлэх орон зайг бий болгоход дэмжлэг үзүүлхээр бүхий л салбарын эрдэмтэн, бизнес эрхлэгч, мэргэжилтнүүдийг өөрийн судалгааны ажил, бизнесийн загвар, дэвшилтэт технологи, шинэлэг төсөл, санаагаа шүүгчид болон бусад мэргэжилтнүүдэд 3 минутын дотор багтаан англи хэл дээр танилцуулах боломжийг олгодог.
Үндэсний ялагч ХБНГУ-руу аялах онгоцны тийзээр шагнуулах бөгөөд Монгол Улсаа төлөөлөн энэ оны арваннэгдүгээр сарын 07-ны өдөр Берлин хотноо зохион байгуулах “Falling Walls Lab Int. Finale”-д олон улсын 100 гаруй үндэсний ялагчидтай өрсөлдөх эрхийг авна. Бүх олон улсын Лаб финалистууд “Falling Walls Science Summit”-д сонсогчоор оролцох эрхтэй ба олон улсын ялагч мөнгөн шагналтай.
“Falling Walls Lab Mongolia” форум 2023 оны есдүгээр сарын 25-нд 14 цагаас МУИС-ын Номын сангийн хурлын танхим 502 ба www.zoom.us онлайн платформоор танхим-цахим хосолсон hybrid хэлбэрээр зохион байгуулагдана.
Оролцогчдын бүртгэл https://falling-walls.com/lab/apply/mongolia/ хаягаар 2023 оны есдүгээр сарын 17-ны өдрийг дуустал явагдана.
Форумын ерөнхий зохион байгуулагчаар Боловсрол, Шинжлэх Ухааны Яам, “Соёл урлаг, хэвлэл мэдээллийн төслийн менежмент, зөвлөгөө” НҮТББ, Монгол Улсын Соёлын Элч О.Оюунтуяа, “Монгол-Германы хамтарсан ашигт малтмал, технологийн их сургууль”; хамтран зохион байгуулагчаар Монгол Улсын Их Сургууль; албан ёсны түншээр Монгол Улс дахь ХБНГУ-ын ЭСЯ, дэмжигчээр Falling Walls Foundation, INWES – олон улсын эмэгтэй инженер, эрдэмтдийн холбоо тус тус дэмжин хамтран ажиллаж байна.
Falling Walls Lab Mongolia мэдээллийг шуурхай хүргэхийн тулд та бүхнийг өөрсдийн сургууль, хүрээлэн, байгууллагын судлаач, эрдэмтэд, мэргэжилтнүүдэд энэхүү мэдээллийг цааш нь түгээхийг хүсэж байна. Дэлгэрэнгүй мэдээллийг англи хэлээр хавсаргав.
Монголын үндэсний ялагч анх удаа оролцсон 2019 оны Falling Walls Lab Int. Finale-н highlight видеог https://www.youtube.com/watch?v=Y2BbrQu1ZP8 болон өмнөх жилийн ялагчдын видеог доорх холбоосоор орж сонирхоно уу:
- Falling Walls Lab 2021 – Highlights: https://www.youtube.com/watch?v=Yt0zenn0uRw
- Falling Walls Lab Pitches 2022 | Highlights: https://www.youtube.com/watch?v=-wWU9z4E-eE
- 2019 оны анхны үндэсний ялагч З.Ууганбаатар “Breaking the Wall of wind & mind”: https://www.youtube.com/watch?v=DAH1S7Vbcbw
- 2021 оны үндэсний ялагч М.Оюунгэрэл “Breaking the Wall of Indoor Air Pollution”: https://falling-walls.com/people/oyungerel-munkhbat/
- 2022 оны үндэсний ялагч Ц.Номин “Breaking the Wall of Materials from Waste”: https://falling-walls.com/people/nomin-tserendulam/
Холбоо барих: Falling Walls Lab Mongolia (info@artsandmediaconsulting.org,
Утас: 99169084 эсвэл the Falling Walls Foundation (lab@falling–walls.com).
Дэлгэрэнгүй мэдээллийг www.fallingwalls.com/lab эсвэл fb.me/FallingWallsLabEngageMongolia хуудсаас авна уу.
Falling Walls Lab Mongolia Зохион байгуулах комисс
