“OPEN MIND MONGOLIA 2023” олон улсын эрдэм шинжилгээний хурлыг “Өнөөгийн нийгмийн сорилтод бүтээлч гарцыг эрэлхийлэх нь” дэд сэдвийн хүрээнд амжилттай зохион байгууллаа. Хуралд Монгол Улсаас 23, Япон Улсаас зургаа, БНСУ-аас тав, БНХАУ-аас хоёр, ОХУ, АНУ, Казахстан, Беларус, Австралиас тус тус нэг судлаач оролцжээ. Ийнхүү нийт 41 эрдэмтэн судлаач өөрсдийн судалгааны ажлыг хэлэлцүүллээ.
Нэгдсэн хуралдаанд МУИС-ийн Социологийн тэнхимийн ахлах багш Д.Мөнхтөр, М.Батбаатар нар “Emphasizing the role of sociology in analyzing emerging social challenges”, Шокутоку их сургууль, Азийн нийгмийн ажлын судалгааны хүрээлэнгийн профессор Норико Тоцука “What an Eastern-rooted practical philosophy speaks to Western-rooted social work: Can eclectic social work be realized?”, Сөүлийн Үндэсний Их Сургуулийн профессор Ки Сү Ин “How should we cope with new challenges of the 21st century” нэрт гол илтгэлүүдийг хэлэлцүүллээ. 
Хурлыг нэгдсэн хуралдаан, Нийгмийн сорилтыг давах хөгжлийн гарц (Developmental responses towards social challenges), Нийгмийн сорилтыг давах бусад бүтээлч гарц (Diverse responses towards social challenges) гэсэн хоёр үндсэн хэсэг, дөрвөн дэд хэсгийн хүрээнд зохион байгуулав.
“OPEN MIND MONGOLIA” олон улсын хурлыг МУИС-ийн Социологи нийгмийн ажлын тэнхимээс зохион байгуулж байгаа бөгөөд энэ нь хэд хэдэн онцлогтой билээ. Үүнд:
- Салбар дундын, түүнчлэн олон улсын хүрээнд салбар дундын судалгаа, хамтын ажиллагааг өргөжүүлэх зорилго бүхий
- Хүрээлэн буй орчин, уур амьсгалын өөрчлөлт, жендэр, нийгмийн оролцоо (social inclusion) болон нийгэм, эдийн засгийн асуудлыг цогц арга замаар (holistic approach) тайлбарлах хандлагыг дэмжсэн
- МУИС доторх салбар хүрээлэнгүүд болон гадаадын их сургууль, судалгааны хүрээлэнгүүдийн хамтын ажиллагаа, оролцооны үр дүнд зохион байгуулагдаж байгаагаараа онцлог юм.
Хурлын зохион байгуулалтад Японы Шукутоку их сургууль, Азийн нийгмийн ажлын судалгааны хүрээлэн, БНХАУ-ын Бүс ба Зам олон улсын хөгжлийн судалгааны академи хамтран ажиллалаа. Мөн Австралийн сайн дурын хөтөлбөрийн шугамаар ирж ажиллаж байгаа зочин профессор Анжи Фицжералд хуралд үндсэн илтгэл хэлэлцүүлэхийн зэрэгцээ зохион байгуулалтын ажилд гүн туслалцаа үзүүлжээ.
