МУИС-д мэргэжлээрээ ажиллаж байгаа 50 хүртэлх насны эрдэмтэн судлаачийн БНСУ-ын их сургууль, эрдэм шинжилгээний байгууллагад докторын дараах “Chey Institute for Advanced Studies” хүрээлэнгийн ISEFP (International Scholars Exchange Fellowship Program) тэтгэлэгт хөтөлбөрийн хүрээнд судалгааны төсөл дараах чиглэлээр сонгон шалгаруулна.
- Нийгэм, хүмүүнлэгийн ухаан (Humanities and Social Sciences: Economics, Business administration, Political Science, Public administration, Law, Sociology, Education, Psychology, Anthropology, Journalism, Geography, Philosophy, History, Literature)
- Эрчим хүч (Energy related field: Petrochemical engineering and related fields)
- Холбоо, мэдээллийн технологи, Компьютерын ухаан, электроникийн инженерчлэл (Electrical Engineering and electronic science, Telecommunications, Computer Science and related fields)
- Биологи ба Биотехнологи (Life Sciences: Biochemistry, Biotechnology, Ecology, Immunology, Genetic Engineering)
Судлаачийн нэг сарын тэтгэлэг 2,450 ам.доллар (3,5 сая вон), 1 сая воны нэг удаагийн тэтгэлэг, эрүүл мэндийн болон гэнэтийн ослын даатгал, хоёр талын замын зардлыг олгоно. Түүнчлэн судлаач жилийн эцсийн судалгааны тайланг тус санд хүлээлгэж өгөхөд урамшууллын 1 сая вон, SCI, SSCI, AHCI индекстэй эрдэм шинжилгээний сэтгүүлд хэвлүүлсэн тохиолдолд 2-5 мянган ам. доллар, National Research Foundation of Korea сангийн бүртгэлтэй сэтгүүлд өгүүлэл хэвлүүлэхэд 1 мянган ам. долларын нэмэгдэл урамшуулалтай. Нийтэлсэн өгүүллийн урамшууллын эрх нь тухайн судлаач нутаг буцаж ирснээс хойш 2 жил хүртэл хүчинтэй ба талархалд тус судалгаа нь Chey Institute for Advanced Studies хүрээлэнгийн ISEF хөтөлбөрөөр санхүүжүүлснийг дурдана. Урамшууллын хэмжээ нь сэтгүүлийн Impact Factor, зохиогчийн оролцоо зэргээс хамаарна.
Докторын дараах судалгааны үргэлжлэх хугацаа хагас жил, нэг жилээс хэтрэхгүй байна (2024-09-01-ээс 2025-03-01/2025-09-01). Төслийн санал хүлээн авах эцсийн хугацаа: 2023 оны арванхоёрдугаар сарын 01-ний өдөр, 18:00 цаг. № 208, СИБГ, МУИС-ийн 1-р байр. Төслийн саналын цахим хувилбарыг arc@num.edu.mn имэйл хаягаар ирүүлнэ үү.
Төслийн гол шалгуур үзүүлэлт
- Шинжлэх ухааны ахисан түвшний судалгаа боловсруулалт байх,
- Салбар дамнасан, цогц, ахисан түвшний судалгаа байх,
- Төслийн үр дүнг Web of Science JCR индекстэй олон улсын мэргэжлийн сэтгүүл, хурлын эмхэтгэлд нийтлүүлэх боломжтой байх,
- Хамтарсан төсөл дэх магистрант, докторантын оролцоо, төслийг олон улсын болон гаднын байгууллагатай хамтран гүйцэтгэж байгаа байдал
Төслийн бусад шалгуур үзүүлэлтүүд
- Төсөл Chey Institute for Advanced Studies хүрээлэнгийн ISEF хөтөлбөр, АRC-ийн тэргүүлэх чиглэлд нийцэж байх,
- Төслийн шинжлэх ухааны суурь судалгаа, нийгэм эдийн засаг, инновацын ач холбогдол,
- Төслийг урьд өмнө хэрэгжүүлж байсан, одоо хэрэгжүүлж байгаа, бусад байгууллагаас санхүүжиж байгаа эсэх,
- Төслийн удирдагч нь МУИС-ийн үндсэн орон тооны профессор, дэд профессор байх,
- Төслийн төсөв судалгааны ажлын хүлээгдэж байгаа үр дүнтэй нийцэж байгаа эсэх,
- Төслийг хэрэгжүүлэх хугацааг төлөвлөсөн байдал,
- Төслийн үр дүнг Web of Science JCR бүртгэлтэй олон улсын мэргэжлийн сэтгүүл, хурлын эмхэтгэлд хэвлэн нийтлүүлэх боломжтой эсэх.
Төслийн мэдүүлэг
Төслийн мэдүүлэг дараах хэсгээс бүрдэнэ:
- Төслийн хамаарах чиглэл
- Төслийн нэр
- Хугацаа
- Төслийн үндсэн хэсэг (10-12 нүүрт багтаана. MS Word, фонтын хэмжээ: 11, мөр хоорондын зай: 1.0- 1.5) дараах зүйлсийг багтаана:
- Төслийн үндэслэл
- Төслийн зорилго, зорилт
- Судлагдсан байдал
- Судалгааны арга зүй
- Үр дүнгийн баталгаа (Web of Science JCR индекстэй олон улсын сэтгүүл, хурлын эмхэтгэлд хэвлүүлэх эрдэм шинжилгээний өгүүлэл, илтгэл)
- Календарчилсан төлөвлөгөө: ISEFP докторын дараах судалгаа нь есдүгээр сарын 01-ний өдрөөс эхлэнэ.
- Төсөв
5. Төслийн удирдагчийн CV (Хавсралт. CV маягт), электрон хаяг, регистрийн дугаар, удирдагчийн докторын дипломын хуулбар.
Азийн судалгааны төв, Судалгаа, инновацын бодлогын газар, № 208,
МУИС-ийн I байр
Утас: 75754400~ 1143 arc@num.edu.mn
