Япон Улсын иргэн IKEDA SOGO нь 2019-2020 оны хичээлийн жилээс эхлэн Шинжлэх ухааны сургуулийн Ажил мэргэжил судлалын хөтөлбөрт элсэн суралцаж буй суралцагчид тэтгэлэг олгож эхэлсэн.
Тус тэтгэлгийн зорилго нь Монголын ирээдүйг бүтээлцэхүйц суралцагчдын сургалт болон судалгааны ажлын чанарыг дээшлүүлэх, суралцах чин хүсэл эрмэлзэлтэй суралцагчдыг дэмжихэд оршино. 2023-2024 оны хичээлийн жилийн жилд IKEDA SOGO-ийн нэрэмжит тэтгэлэгт ШУС-НУС-ийн Ажил мэргэжил судлалын магистрант Ёндон овогтой Байгалмаа шалгарлаа.
Тэтгэлэг гардуулах ёслолын ажиллагаанд МУИС-ийн Оюутны хөгжил эрхэлсэн захирал Г.Галбаяр, ОХБГ-ын дарга В.Дашдаваа, ОХТ-ийн эрхлэгч М.Эрдэнэчимэг, ШУС-ийн Улс төр судлалын тэнхимийн профессор, доктор, Ажил мэргэжил салбар дундын магистрын хөтөлбөрийн ахлагч Д.Бумдарь нар тэтгэлэгт шалгарсан суралцагчид сурлагын өндөр амжилт хүсэж тэтгэлгийн батламжийг гардуулан өглөө.
