“Токио васеда ротари клуб”-ийн Монголын найрамдал сайн дурын багийн гишүүдийн тэтгэлэг зарлагдлаа.
Тэтгэлгийн зорилго нь “Токио Васеда Ротари Клуб”-ийн Монголын Найрамдал Сайн Дурын Багийн гишүүдээс МУИС-ийн бакалаврын түвшний идэвхтэй төлөвт сурч байгаа, санхүүгийн дэмжлэг шаардлагатай, нийгмийн идэвхтэй суралцагчийг дэмжих, Монгол Японы найрамдалт харилцаанд хувь нэмэр оруулахад оршино.
Энэхүү тэтгэлгийг ШУС-ийн Япон хэлний хөтөлбөрийн Гадаад хэлний орчуулга (Япон), Гадаад хэл, орон судлал (Япон), Орон судлал (Япон) хөтөлбөрийн II-IV түвшний таван суралцагчид олгоно.
Тэтгэлгийн хэмжээ: Нэг оюутанд 1.000.000 төгрөг
Тэтгэлгийн шалгуур, шаардлага:
- МУИС-ийн бакалаврын Гадаад хэлний орчуулга (Япон), Гадаад хэл, орон судлал (Япон), Орон судлал (Япон) хөтөлбөрийн 2-4 түвшний идэвхтэй төлөвт сурч байгаа суралцагч байх
- Сурлагын голч дүн 3.0 ба түүнээс дээш байх, МАЯГТ ТАТАХ
- Ар гэрийн санхүүгийн чадамж дундаас доогуур түвшинд байгаагаа үнэн, зөв тодорхойлсон байх
- Суралцагч үндсэн мэргэжлээрээ болон өөрийгөө хөгжүүлэх чиглэлээр оролцсон арга хэмжээ, үйл ажиллагааныхаа талаар тайлан, тодорхойлолтыг хавсаргасан байх;
- Өөрийн хүсэл мөрөөдөл, хэтийн зорилго, зорилтын талаар эссэ бичих
- Ёс зүй, харилцаа, хандлагаараа үлгэр жишээч оюутан байх /мэргэжлийн тэнхимийн багшийн тодорхойлолт/,
Шалгаруулалтыг:
“Токио Васеда Ротари Клуб” Монголын Найрамдал Сайн Дурын Баг сонгон шалгаруулна.
Жич: Бүрдүүлсэн материалыг нүхтэй хавтсанд хийж хүлээлгэн өгнө.
Хүсэлт хүлээн авах хугацаа: 2023 оны 11 дүгээр сарын 22-ны өдрөөс 12 дугаар сарын 04-ний 15:00 цаг хүртэл СиСи системээр бүртгүүлж, тэтгэлгийн шаардлагын дагуу бүрдүүлэх бичиг баримтын хуулбар материалыг хэвлэж, МУИС-ийн Багш, оюутны хөгжлийн төв байрны 306 тоот өрөө, Оюутны хөгжлийн төвийн тэтгэлэг хариуцсан мэргэжилтэнд хүлээлгэн өгснөөр бүртгэл баталгаажна.
Холбоо барих утас: 77307730-1514, enkhtaivan_ts@num.edu.mn,
ОЮУТНЫ ХӨГЖЛИЙН ТӨВ
