МУИС-ийн оны шилдэг клуб тодруулах арга хэмжээ 2023 оны 12 дугаар сарын 18-ны өдөр боллоо. Арга хэмжээгээр МУИС-д идэвхтэй үйл ажиллагаа явуулж буй 40 гаруй клубын дарга нарыг чадавхжуулах сургалтыг зохион байгуулав.
Үйл ажиллагааг Оюутны хөгжлийн төв (ОХТ)-ийн эрхлэгч М.Эрдэнэчимэг нээж үг хэлэв. Тэрбээр оюутнуудыг клуб хамт олон болж ажиллаж байгааг сайшаагаад Клубүүдийн үйл ажиллагаа нь их сургуулийн оюутны хөгжилд чиглэсэн чухал олон асуудлыг хөндөн судалж, шийдвэрлэх хэмжээний үйл ажиллагааг оюутнууд сонирхлоороо нэгдэн санаачилгатайгаар хамтран ажилласан байна гэж дүгнэв. Цаашид клуб бүр оюутны оролцоог анхааран ажиллахыг санууллаа.
ОХТ нь клубүүдээс ирсэн 30 гаруй тайланг үндэслэн клубүүдийн үйл ажиллагааны тогтвортой хөгжиж буй байдал, оюутнуудын оролцоо, үр дүн, тайлан зэргийг харгалзан дүгнэж
- Тэргүүн байр “Титэм түүх”
- Дэд байр “БСОНК”
- Гутгаар байр “Хос Уянга”
- Тусгай байр “NUM ECONOMIST” клуб тус тус оны шилдэг клубээр шалгарлаа.
ОЮУТНЫ ХӨГЖЛИЙН ТӨВ
