XVII жарны “Хилэнт эх” хэмээн модон луу жилийн цагаан сарын баярыг тохиолдуулан МУИС-ийн зарим багш, ажилчдыг төрийн дээд цол, одон, медалиар шагналаа. Хөдөлмөрийн гавьяаны улаан тугийн одонгоор Бизнесийн сургуулийн Биеийн тамирын тэнхимийн ахлах багш Ж.Баньдхүү болон ШУС-ийн БУС-ын Геологи, геофизикийн тэнхимийн ахлах багш З.Ганбаатар нар энгэрээ мялаалгав. МТЭС-ийн Электроник, холбооны инженерчлэлийн тэнхимийн дэд профессор Д.Бямбажав, ШУС-ийн ХУС-ын Гадаад хэлний төвийн ахлах багш Г.Энхбаяр нар Алтангадас одон хүртлээ. Мөн Хөдөлмөрийн хүндэт медалиар ШУС-ийн БУС-ын Химийн тэнхимийн дэд профессор Б.Мөнхжаргал, Кампус хөгжлийн төвийн сантехникийн инженер Т.Мөнхдалай шагнагдав.
