МУИС-ийн Жендэр судлалын төв Монгол Улсад анх удаа хэрэгжиж буй жендэр судлалын магистрын хөтөлбөрт элсэгчдээ хүлээн авч уулзлаа. “Жендэр судлал” салбар дундын хөтөлбөрт элссэн анхны 20 оюутанд зориулан чиглүүлэх уулзалтыг хоёрдугаар сарын 16-ны өдөр зохион байгуулав. 
Тус уулзалтаар магистрын сургалт, хөтөлбөрийн талаар дэлгэрэнгүй танилцуулснаас гадна МУИС-ийн сургалтын орчин, Магистрын судалгааны ажил бичих, хүлээлгэн өгөх журам, хувийн суралцах төлөвлөгөөгөө хэрхэн батлуулах, эрдэм шинжилгээний төсөл семинарт оролцох, хичээл сонгох, баталгаажуулахдаа юунд анхаарах, суралцагчдад зориулсан хөгжлийн ямар үйлчилгээг хаанаас авах талаар СХЧББГ, ОХБГ, АТС-ийн мэргэжилтнүүд мэдээлэл өглөө. Мөн Жендэр судлалын төвийн эрдэмтэн судлаачид элсэгчидтэйгээ танилцлаа. Жендэр судлалын зарим суралцагчдад Азийн сан тэтгэлэг гардуулах юм.
