Оюутны хөгжлийн төвийн дэргэдэх “NUM CAREER” танхим болон Боловсролын ерөнхий газар, “ОЮУ ТОЛГОЙ” ХХК-ийн хамтран зохион байгуулсан “GROWING TOGETHER” өдөрлөг 2024 оны тавдугаар сарын 13-нд Багш, оюутны хөгжлийн төвийн V давхарт амжилттай зохион байгуулагдлаа.
Өдөрлөгийн үеэр дараах сонирхолтой сэдвүүдээр лекц, танилцуулга хийгдэв.Үүнд:
- БОЛОВСРОЛЫН ЕРӨНХИЙ ГАЗРААС ОЮУТАН-СУРАЛЦАГЧДАД ЧИГЛЭСЭН ҮЙЛ АЖИЛЛАГААНЫ ТАНИЛЦУУЛГА: С.ӨЛЗИЙБАЯР /Дээд боловсролын сургалтын байгууллагын оюутны хөдөлмөр эрхлэлт хариуцсан мэргэжилтэн/
- ОЮУ ТОЛГОЙ БОЛОВСРОЛЫН ХӨТӨЛБӨРИЙН ТАНИЛЦУУЛГА: Б.ОЮУНТОГТОХ /”Оюу Толгой” компанийн ур чадвар, сургалт хариуцсан зөвлөх/
- ШИНЭ ТӨГСӨГЧДИЙН АЖЛЫН БАЙРНЫ ЯРИЛЦЛАГАД ГАРГАДАГ НИЙТЛЭГ АЛДАА: Б.ЭНХЖАРГАЛ /”Оюу Толгой” компанийн хүний нөөцийн мэргэжилтэн
“Оюу толгой” ХХК-ийн сургалтын баг нь оюутнуудын ирээдүйн ажил мэргэжлийн замналд нь эерэг нөлөөлөл, туршлага бий болгох зорилгоор залуу мэргэжилтнүүд карьераа хэрхэн нээж илрүүлэх, ажлын байрт хэрхэн өрсөлдөх, хэрхэн амжилттай ажиллах зэрэг амьдралын түүх, туршлагаа хуваалцаж, оюутан залууст урам зориг өгч, сэдэлжүүлсэн сургалт, хэлэлцүүлэг болов.
Дээрх сургалтуудаас гадна сонирхолтой тоглоомууд, “Оюу толгой” компанийн залуусын хөгжлийн хөтөлбөр, дотоод, гадаадын тэтгэлэгт хөтөлбөрүүд, шинэ төгсөгчдийн хөтөлбөрийн талаар мэдээллийг авах боломжтой тусгай булангууд нээлттэй зөвлөгөө өгч ажиллаа.
Өдөрлөгийн онцлох агшнаас хүргэж байна.
ОЮУТНЫ ХӨГЖЛИЙН ТӨВ
ХӨДӨЛМӨР ЭРХЛЭЛТ, КАРЬЕР ХӨГЖЛИЙГ ДЭМЖИХ ҮЙЛЧИЛГЭЭ
