Оюутны хөгжлийн төвийн дэргэдэх “NUM CAREER” танхим болон Зориг сан, тус сангийн хэрэгжүүлж буй “Залуусын тогтвортой ажил эрхлэлтийг дэмжих хөтөлбөр”-ийн хүрээнд “CAREER COMPASS” өдөрлөгийг амжилттай зохион байгууллаа. Өдөрлөг 2024 оны тавдугаар сарын 14-ний өдөр 14:00 цагт Багш, оюутны хөгжлийн төвийн “ОЮУТНЫ ХӨГЖЛИЙН ТАНХИМ”-д болов.
Тус өдөрлөгт ажлын байрны сонгон шалгаруулалтыг хэрхэн зохион байгуулдаг, шалгаруулалтын үйл явц, CV бичих, засах, ажлын байрны ярилцлагад ороход анхаарах зүйлс зэрэг асуудлуудыг бодит жишээн дээр тайлбарлаж, танилцуулжээ. Өдөрлөгт 110 гаруй оюутан оролцсон бөгөөд зочин илтгэгч нараас сонирхсон асуултаа асууж хэлэлцүүлэг өрнүүлсэн сонирхолтой арга хэмжээ боллоо.
ӨДӨРЛӨГТ:
- “БИЗНЕСИЙН БАЙГУУЛЛАГЫН СОЁЛ” сэдвээр “Үнэт” санхүүгийн нэгдлийг үүсгэн байгуулагч Д.Бадрал,
- “АЖЛЫН БАЙРНЫ СОНГОН ШАЛГАРУУЛАЛТ, АНХААРАХ ЗҮЙЛС” сэдвээр “Карьер мастер” ХХК-ийн гүйцэтгэх захирал Г.Ариунзаяа нар сонирхолтой лекц уншлаа.
СУРГАЛТАД ХАМРАГДСАН ОЮУТНУУДААС АЗТАН ТОДРУУЛЖ:
Coffee & Canvas өдөрлөгт оролцох эрх
- МУИС-ШУС-ХУС-ын Гадаад хэлний орчуулга /Англи/ хөтөлбөрийн II түвшний суралцагч Ж.Асель
- БС- Нягтлан бодох бүртгэл хөтөлбөрийн I түвшний суралцагч Л.Сувд-Эрдэнэ
- ШУТИС-ийн I түвшний суралцагч Х.Сондор,
Карьер хөгжлийн төвд хандлага ур чадварын тест өгч, ганцаарчилсан көүчинг авах эрхээр
- МТЭС-ийн Мэдээллийн систем хөтөлбөрийн I түвшний суралцагч М.Бат-Эрдэнэ,
Абсолют сургалтын төвд хүссэн түвшиндээ суралцах эрх
- ШУС-ХУС Багш, гадаад хэлний боловсрол /Англи/ хөтөлбөрийн III түвшний суралцагч Р.Энхзаяа нар тус тус тодорлоо.
Илтгэгч “КАРЬЕР МАСТЕР” ХХК-ийн гүйцэтгэх захирал Г.Ариунзаяагийн хүсэлтээр “Карьер хөгжлийн төвд хандлага ур чадварын тест өгч, ганцаарчилсан көүчинг авах” нэмэлт эрхийн бичгээр БС-ийн Нягтлан бодох бүртгэл хөтөлбөрийн I түвшний суралцагч Э.Уугантуяа шалгарлаа.
ОЮУТНЫ ХӨГЖЛИЙН ТӨВ
ХӨДӨЛМӨР ЭРХЛЭЛТ, КАРЬЕР ХӨГЖЛИЙГ ДЭМЖИХ ҮЙЛЧИЛГЭЭ
