Монгол Улсын Их Сургуулийн 2023-2024 оны хичээлийн жил, 79 дэх удаагийн эрдмийн баярын ёслол хүндэтгэлийн үйл ажиллагаа 2024 оны зургаадугаар сарын 17-ны өдрийн 09:00-17:30 цагийн хооронд “Соёлын төв өргөө”-нд зохион байгуулагдана.
МУИС-ийн ректорын 1946 оны долдугаар сарын 05-ны өдрийн 84 дүгээр тушаалаар анхны төгсөгчдөд диплом, энгэрийн тэмдэг гардуулснаас хойш өдгөө 100 мянга гаруй суралцагч төгсөөд байна. Энэ удаагийн эрдмийн баяраар 2400 гаруй суралцагч төгсөнө.
Монгол Улсын Их Сургуулиар овоглосон нийт төгсөгчид, эрдэмтэн багш, хүндэт эцэг эхчүүд та бүхэнд эрдмийн баярын мэнд хүргэе!
ЭРДМИЙН БАЯРЫГ ЗОХИОН БАЙГУУЛАХ АЖЛЫН ХЭСЭГ
