2014 оноос хэрэгжиж эхэлсэн Япон-Монголын хамтарсан “Инженер технологийн дээд боловсрол” буюу M-JEED төслийн хүрээнд “Хамтарсан судалгаа-Бизнес түншлэл-2024” семинар Япон Улсын Токио хотноо 2024 оны 11 дүгээр сарын 5-6-ны өдрүүдэд зохион байгуулагдаж байна.
Семинарт төслийн судалгааны багийн Монгол, Японы гишүүдээс гадна Монгол Улсаас Япон Улсад суугаа элчин сайд Б.Баярсайхан, ЖАЙКА олон улсын байгууллага, Монголын Боловсролын яамны төлөөлөгчид оролцож байгаа бөгөөд “Инженер технологийн дээд боловсрол” төслийн оролцогч их дээд сургуулиуд болох МУИС, ШУТИС, ХААИС-ийн удирдлагууд төслийн үр дүнг дүгнэж үг хэллээ.
Түүнчлэн семинарын зорилгын хүрээнд Монгол, Японы хувийн хэвшлийн төлөөлөл тус семинарт оролцож монгол багш, судлаачидтай хамтран ажиллах талаар санал солилцон санамж бичгүүд байгуулав.
Үйл ажиллагааны үеэр МУИС болон Нийгата мужийн их сургууль хооронд санамж бичиг болон оюутан солилцооны гэрээ байгууллаа. Мөн МУИС болон Тохокугийн их сургууль хооронд шинжлэх ухааны парк, материал судлал, ахисан түвшний сургалт, судалгааны хүрээнд хамтран ажиллах талаар санал солилцох уулзалт зохион байгуулагдах юм.
“Хамтарсан судалгаа-Бизнес түншлэл-2024” семинарын хөтөлбөртэй ЭНД дарж танилцана уу.
