Анхдугаар Үндсэн хуулиа баталж, Бүгд Найрамдах Улсаа тунхагласны түүхт 100 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх зарлиг буулгаж, нэр бүхий МУИС-ийн багш, ажилтнуудыг төрийн дээд цол, одон, медалиар шагнасныг МУИС-ийн ректор, профессор Б.Очирхуяг гардуулан өглөө.
Алтангадас одонгоор ИТС-ийн Хими, биологийн инженерчлэлийн тэнхимийн ахмад ажилтан А.Өлзийбадрах, ИТС-ийн Хими, биологийн инженерчлэлийн тэнхимийн профессор Д.Эрдэнэчимэг нарыг, Хөдөлмөрийн хүндэт медалиар ШУС-ийн Химийн тэнхимийн дэд профессор Н.Амгалан, МТЭС-ийн Хэрэглээний математикийн тэнхимийн дэд профессор Н.Пүрэвцогт нарыг тус тус шагнасныг гардууллаа.
Түүнчлэн Монгол Улсын Ерөнхийлөгч Ухнаагийн Хүрэлсүхийн зарлигаар Шинжлэх ухааны гавьяат зүтгэлтэн цол хүртсэн МУИС-ийн Электроник холбооны инженерчлэлийн тэнхимийн ахмад багш С.Лодойсамба, Монгол Улсын Гавьяат багш цол хүртсэн МУИС-ийн профессор Ж.Даваа, МУИС-ийн Түүхийн тэнхимийн дэд профессор Д.Дашдулам, Үйлчилгээний гавьяат ажилтан цол хүртсэн МУИС-ийн Хангамж үйлчилгээний газрын ахмад ажилтан Б.Дэлгэрцэцэг нарыг хүлээн авч хүндэтгэл үзүүллээ.
Төрийн дээд цол, одон, медалиар шагнагдсан багш, ажилтнууддаа эрүүл энх, сайн сайхан бүхнийг хүсэн ерөөе.
