Европын Холбооны санхүүжилттэй “Эрасмус+” хөтөлбөрийн хүрээнд хэрэгжиж буй Хорват Улсын Дубровникийн Их Сургууль (University of Dubrovnik, Croatia)-ийн багш солилцооны хөтөлбөрийн (Teaching Training Mobility) сонгон шалгаруулалтад урьж байна.
Уг хөтөлбөрт хүсэлт гаргагч нь МУИС-ийн дор дурдсан чиглэлийн багш байх шаардлагатай бөгөөд зөвхөн МУИС-ийн Хамтын ажиллагааны хэлтсээр (Erasmus Code: Ulaanbaatar PIC 925609309) дамжуулан хөтөлбөрт хамрагдах хүсэлт гаргана.
Мэргэжлийн чиглэл:
-Эдийн засгийн түүх, онолын чиглэлийн багш нар (4 хүн)
Хөтөлбөрийн хугацаа:
- Өвлийн улиралд: 10-р сарын сүүлийн өдрүүдээс 11-р сарын эхэн үе, мөн 12-р сарын эхэн хугацаанд
- Зуны улиралд: 3-р сараас 5-р сарын хооронд
Тэтгэлгийн хэмжээ:
- Хоёр талын нислэгийн тийзийн төлбөр.
- Зочин багшаар ажиллах хугацааны амьжиргааны зардал (өдөрт 140 евро).
- Зочин багш нар хөнгөлөлттэй үнээр Akademis буудалд байрлах боломжтой.
Тавигдах шаардлага:
- МУИС-д Эдийн засгийн түүх, онолын чиглэлээр багшилдаг байх
- МУИС болон Дубровник Их Сургуулийн Эдийн засгийн тэнхим, хөтөлбөрийн цаашдын хамтын ажиллагааг хөгжүүлэхэд хувь нэмэр оруулах
- Англи хэлний ахисан түвшний мэдлэгтэй байх
Бүрдүүлэх материал:
- Багшийн товч анкет (Европын Холбооны EUROPASS стандартаар бичигдсэн байх)
- Багшлах ажлын төлөвлөгөө
- Англи хэлний түвшнийг нотлох баримт бичиг
Хүсэлт хүлээн авах хугацаа: 2024 оны 12 дугаар сарын 25 (Лхагва гараг) хүртэл
- Товлогдсон хугацаанд багтаан холбогдох материалын хуулбарыг PDF нэг файл болгон Хамтын ажиллагааны хэлтсийн cooperation@num.edu.mn цахим хаягаар явуулна. Subject хэсэгт (TEACHEXCH, DUBROVNIK, /NAME/) гэж бичнэ.
- Хугацаа хоцорсон материал хүлээн авахгүй.
Хөтөлбөрийн талаар асууж тодруулах зүйл гарвал Хамтын ажиллагааны газрын 75754400-(1165), (1166) дугаарт холбогдоно уу.
ХАМТЫН АЖИЛЛАГААНЫ ГАЗАР
