МУИС-ийн Ректорын зөвлөлийн 2025.01.21-ний өдрийн хурлын мэдээлэл
ХЭЛЭЛЦСЭН АСУУДАЛ:
- МУИС-ийн Шинжлэх ухаан технологийн Улаанбаатар паркийн үйл ажиллагаатай танилцах /МУИС-ийн ШУТУБП-ийн захирал О.Мөнхбат/
- ХЗС-ийг түшиглэн байгуулсан Харьцуулсан эрх зүй, олон улсын эрх зүйн судалгааны төвийг Харьцуулсан эрх зүй, олон улсын эрх зүйн хүрээлэн болгон өргөжүүлэх тухай /ХЗС-ийн Хувийн эрх зүйн тэнхимийн дэд профессор Э.Байгал/
- Төрийн өмчийн бодлого зохицуулалтын газрын шаардлагын дагуу хэрэгжүүлж буй ажлын явцын тайлан /Хангамж үйлчилгээний газрын дарга З.Баярбаатар/
- МУИС-ийн 2024 оны өмч хөрөнгийн тооллогын үр дүнгийн мэдээлэл /Төлөвлөлт, хөрөнгө оруулалт эрхэлсэн проректор Б.Даваасүрэн/
- Үндсэн цалинд хийсэн шинжилгээний үр дүн, Үйлчилгээний зарим ажилтны ажлын ачаалллын норматив тооцох аргачлал /Төлөвлөлт, хөрөнгө оруулалт эрхэлсэн проректор Б.Даваасүрэн/
- Бусад асуудал:
ШИЙДВЭРЛЭСЭН НЬ:
- МУИС-ийн Шинжлэх ухаан технологийн Улаанбаатар паркийн үйл ажиллагаатай танилцав.
- ХЗС-ийг түшиглэн байгуулсан Харьцуулсан эрх зүй, олон улсын эрх зүйн судалгааны төвийг Харьцуулсан эрх зүй, олон улсын эрх зүйн хүрээлэн болгон өргөжүүлэхийг дэмжиж, ректорын тушаал гарган баталгаажуулахаар шийдвэрлэв.
- Төрийн өмчийн бодлого зохицуулалтын газрын шаардлагын дагуу хэрэгжүүлж буй ажлын явцын тайлантай танилцаад, холбогдох хүмүүст үүрэг даалгавар өглөө.
- МУИС-ийн 2024 оны өмч хөрөнгийн тооллогын үр дүнгийн мэдээллийг хэлэлцээд актлахаар санал оруулж байгаа нийт 1,9 тэрбум төгрөгийн хөрөнгийг УЗ-өөр хэлэлцүүлж, шийдвэрлүүлэхээр боллоо.
- Үндсэн цалинд хийсэн шинжилгээний үр дүнтэй танилцав. Үйлчилгээний зарим ажилтны (СХЧБГ-ын зарим мэргэжилтэн, хичээлийн болон оюутны байрны зохион байгуулагч, үйлчлэгч) ажлын ачааллын норматив тооцох аргачлалыг батлав. Мөн ажлын хэсгийн дүгнэлтийг үндэслэн Шинжлэх ухааны сургуулийн Ази судлалын тэнхимийн туслахын орон тоог 1-ээр нэмэгдүүлэхээр шийдвэрлэв.
ЗАХИРГАА, ХҮНИЙ НӨӨЦИЙН ГАЗАР
