Анхдугаар Үндсэн хуулиа баталж, Бүгд Найрамдах Улсаа тунхагласны түүхт 101 жилийн ойг тохиолдуулан Монгол Улсын Ерөнхийлөгч Ухнаагийн Хүрэлсүх нэр бүхий МУИС-ийн багш нарыг төрийн дээд цол, одон, медалиар шагналаа.
Монгол Улсын Шинжлэх ухааны гавьяат зүтгэлтэн цол хүртсэн МУИС-ийн профессор Д.Монхообор, Монгол Улсын Гавьяат багш цол хүртсэн МУИС-ийн профессор Г.Батсүх нарыг МУИС-ийн ректор, профессор Б.Очирхуяг хүлээн авч уулзан хүндэтгэл үзүүллээ.
Мөн Монгол Улсын Ерөнхийлөгчийн зарлигаар Хөдөлмөрийн гавьяаны улаан тугийн одон хүртсэн МУИС-ийн Бизнесийн сургуулийн захирал, профессор Н.Батнасан, Хөдөлмөрийн хүндэт медалиар шагнагдсан МУИС-ийн Инженер, технологийн сургуулийн Хүрээлэн буй орчин, ойн инженерчлэлийн тэнхимийн эрхлэгч Д.Батсүрэн нарыг хүлээн авч уулзан хүндэтгэл үзүүлэв.
Монгол Улсын Ерөнхийлөгчийн зарлигаар МУИС-ийн Бизнесийн сургуулийн багш С.Алтанцоожийг Алтангадас одонгоор шагнасныг гардуулан өглөө.
Төрийн дээд цол, одон, медаль хүртсэн багш нартаа баяр хүргэж, сайн сайхныг хүсэн ерөөе.
