Япон Улсын Иватэ их сургуулийн профессор Конно Коуичид компьютер график, гурван хэмжээст цэгэн үүлийг боловсруулах, соёлын өвийг тоон хэлбэрээр хадгалан хамгаалах, Монголын судлаач, эрдэмтдийг бэлтгэн хөгжүүлэх, Япон – Монголын эрдэм шинжилгээний хамтын ажиллагааг бэхжүүлэх үйлсэд оруулсан хувь нэмрийг нь өндрөөр үнэлж 2026 оны 9 дүгээр сарын 7-ны өдөр МУИС-ийн МТЭС-ийн “Хүндэт доктор” цол олголоо.
“Хүндэт доктор” цол олгох ёслолын ажиллагаанд МУИС-ийн ректор Б.Очирхуяг, Судалгаа, хамтын ажиллагаа эрхэлсэн проректор Ц.Баатарчулуун, Иватэ их сургуулийн ерөнхийлөгч Ёшио Ямамото нарын тус сургуулийн төлөөлөгчид болон МУИС-ийн МТЭС-ийн удирдлага, Эрдмийн зөвлөлийн гишүүд, багш нарын төлөөлөл, Иватэ их сургуулийн төгсөгчид хүрэлцэн ирж, МУИС-ийн МТЭС-ийн Хүндэт доктор Конно Коуичигийн хүндэтгэлийн лекцийг сонсож, баяр хүргэлээ.
