МУИС-д суралцан эрдмийн шимийг хүртэж яваа гадаад оюутнууд өнгөрөгч 4-р сарын 26-нд Оюутанд үйлчлэх төвийн зохион байгуулсан “International day” буюу “Олон улсын өдөрлөг”-т амжилттай оролцлоо. Уг өдөрлөгт орон орны оюутнууд өөрсдийн үндэсний онцлогийг тусгасан зоог, шүүс зэргийг бэлтгэн ширээ зассаны дээр өөрсдийн орныг танилцуулсан ном, сэтгүүл, хөгжмийн зэмсэг зэргийг дэлгэн сурталчилсан юм. Үндэсний хувцсаараа гоёсон гадаад оюутнууд бусад орны хэсгийг сонирхон явах нь өдөрлөгт оролцогсдод олон оронд зэрэг очсон мэт сайхан мэдрэмж төрүүлэхийн сацуу энэхүү өдөрлөгийн чимэг нь болж байлаа.
Өдөрлөгийг нээж Эрдэм шинжилгээ, инноваци эрхэлсэн дэд захирал Ч.Ганзориг үг хэлж урмын сайхан үгээр оюутнуудыг мялаасан юм. Дараагаар нь хоолны амталгаа эхэлж шүүгчид маань улс орон бүрийн хоолыг зооглолоо. Уг өдөрлөгийн нэг онцлууштай зүйл нь Тайваний Их Сургуулийн урилгаар тус сургуульд тоглолт тавиад ирсэн МУИС-ийн оюутнууд тайлан тоглолтоо тавьсан явдал юм. Нэг цаг үргэлжилсэн уг тоглолт гадны оюутнуудад маань томхон гэнэтийн бэлэг болж чадсаны зэрэгцээ Монгол хэл, ёс заншил судалж буй тэдэнд, МУИС-ийн багш ажилчин, оюутнуудад Тайваньд ямар тоглолт тавьж эх орноо сурталчилаад ирсэнийг ойлгоход дөхөм боллоо. Уг тоглолтын дараагаар гадаад оюутнууд тус тусын урлагийн үзүүлбэрийг үзүүлсэн юм. Өдөрлөгийн шүүгч нарын багт Оюутанд үйлчлэх төвийн эрхлэгч Б. Энхжаргал, тус төвийн гадаад оюутан хариуцсан мэргэжилтэн Б.Намжилсүрэн, МХСС-ийн багш А.Пүрэвжанцан, Баттуул нар орж оюутнуудыг үндэсний хувцас, хоол, үзүүлбэр зэргийг нь харгалзан шүүсэн юм.
Өдөрлөгт улс орноо хамгийн сайн сурталчилсан шилдэг багаар Япон улсын оюутнууд шалгарч өргөмжлөл, шилжин явах цом, гарын бэлэг, номоор шагнууллаа. 1-р байранд ОХУ, 2-р байранд БНСУ, 3-р байра
нд БНАЛАУ тус тус шалгарсан юм.
