Программчлалын улсын олимпиад 2013 оны 4 дүгээр сарын 27, 28-ны өдөр МУБИС-ийн КМТС дээр амжилттай болж өндөрлөлөө.
Уг олимпиадад Мэдээллийн Технологи, Программчлалын чиглэлээр сургалт явуулдаг их дээд сургуулиудаас шалгарсан нийт 54 оюутан оролцсон юм.
Программ зохиох уралдаанд их дээд сургуулиудаас:
1.МУИС- МКС (2 баг)
2.ШУТИС-КТМС (3 баг)
3.ИЗОУИС (1 баг)
4.ОУЭЗБДС (1 баг)
5.Мандах Бүртгэл ДС (3 баг)
6.ХУИС-МХМС (1 баг)
7.МУИС-МТС (2 баг)
8.МУИС-УБС (1 баг)
9.МУБИС-КМТС (2 баг)
10.ШУТИС-МХТС (1 баг)
11.МҮИС (1 баг) гэсэн 11 их дээд сургуулийн 18 баг оролцсоноос багийн гишүүдийн нийлбэр оноогоор МУИС-ийн МТС- ийн Б.Доржнамжирмаа багштай МТС-1 баг түрүүлж шилжин явах цомыг авлаа.
Уг олимпиадад нийт 55 оролцогч бүтэн бодолт хийсэн нь жилээс жилд олимпиадын чанар чансаа, оролцогчдын мэдлэг чадвар, бэлтгэл дээшилж байгаагийн нэг илрэл гэж зохион байгуулагчид дурдаж байв.
Программ зохиох уралдааны ганцаарчилсан дүнгээр эхний байруудад дараах оюутнууд шалгарсан байна.
•Тэргүүн байр- 1 000 000₮
•Дэд байр – 500 000₮
•Гуравдугаар байр- 300 000₮-ийн мөнгөн шагналыг Мобиком корпораци гардуулж, эхний 12 байруудад орсон оюутнуудыг өөрийн нэрийн бүтээгдэхүүнүүдээр урамшуулжээ.
Мөн түүнчлэн Үндэсний Дата Төвөөс олимпиадад 1,2-р байр эзэлсэн 3-н оюутанд тус бүр 1 жилийн интернэт хаяг ашиглах эрхийн бичгээр тус тус шагнажээ. Дашрамд дурдахад энэ жилийн олимпиадын бодлого дэвшүүлэх, сонгох болон дүгнэх ажлыг Монголын Мэдээлэл Зүйн Олимпиад Төрийн бус байгууллагын гишүүн багш нар МУБИС-н Компьютер Мэдээллийн Технологийн Сургуулийн багш, ажилтнууд амжилттай гүйцэтгэсэн байна.
