МУИС-ийн харьяа “Байгаль-Эх лицей” ахлах сургууль 2012-2013 оны хичээлийн жилд зураг төсөл, технологи, хүнсний аюулгүй байдал зэрэг хичээлийн үр дүнгээр сурагчид өөрийн гараар хийсэн бүтээлийн үзэсгэлэн гаргасан байна. Тус үзэсгэлэнг зураг төсөл, технологийн багш Д.Оюун санаачлан, сургуулийн багш нартай хамтран зохион байгуулжээ.
Бүтээлийн үзэсгэлэнгийн зорилго нь хүүхэд хөгжүүлэх авьяас хөтөлбөрийн дагуу сурагчдын бүтээлч сэтгэлгээг хөгжүүлэх, тэдний оюун ухаан, ур чадварыг харуулах, зураг зүй, техник сэтгэлгээг дээшлүүлэх, харилцан биенээсээ суралцах, таатай орчинг бүрдүүлэхэд оршжээ. Нийт 10-р ангийн долоон бүлгийн 170 гаруй сургалцагчид оролцосноос зураг төслийн хичээлээр ус, тосон будаг, гуашь, акрилкаар зурсан 60 гаруй бүтээл дэлгэжээ. Сурагчид байгаль эх дэлхий, эх орон, эх үрс, ирээдүйн хөгжил цэцэглэлт зэрэг сэдвээр болон бусад чөлөөт сэдвүүдээр ганцаарчилсан болон хамтарч бүтээл гаргасан нь онцлог байв. Тэдгээрийн дотроос дараах сурагч, анги хамт олны бүтээл бусдаас илүү өндөр үнэлгээ авч, сургуулийн захиргааны өргөмжлөлөөр шагнагдаа. Үүнд:
Хар зураг: сурагч Нямсүрэн (10к анги), Долгор (10д анги)
Акрилк: сурагч Үүрцайх (10к анги), Жаргалсайхан (10е анги)
Наамал: сурагч Болормаа (10б анги) нарын бүтээл шалгарчээ. й
Технологийн хичээлийн хүнсний эрүүл ахуй, аюулгүй байдал гэсэн бүлэг сэдвийн дагуу сурагчид өөрсдийн мэдлэг, дадлага чадвараараа төрөл бүрийн ногоо, жимсний салат, шинэ загас, тахианы мах, өндөг болон таван цул зэргээр 25 нэр төрлийн 86 хөнгөн зууш, хоол хийж бэлтгэн юм. Эдгээрээс 1-р байрт 10в, 2-р байрт 10г, 3-р байрт 10е ангиуд хамт олныхоо идэвх, оролцоогоороо тэргүүлэв.
Технологи хичээлийн бүтээлээр хатгамал, сувсан бүтээл, наамал зэрэг 40 гаруй үзэсгэлэн гарснаас 10а, 10б ангиудын бүтээлч байдал, идэвхтэй өндрөөр үнэлэгдсэн юм.
Энэхүү бүтээлийн үзэсгэлэнг үзсэн багш, ажилчид, сурагчдад хэн бүхэнд өндөр сэтгэгдэл төрүүллээ.
