Экологийн боловсролын төв болон Биоаюулгүй байдлыг хангах үндэсний хороо хамтарч, багш нарын мэргэжил дээшлүүлэх, 2 кредиттэй “Биотехнологи ба биоаюулгүй байдал” сэдэвт сургалт энэ сарын 27-29 өдрүүдэд Экологийн боловсролын төвийн Экологи-Байгалийн музейд боллоо.
Сургалтанд орон нутгийн болон нийслэлийн ЕБС-ийн биологи, экологи, эрүүл мэндийн хичээл заадаг 43 багш хамрагджээ. Уг сургалтаар МУИС-ийн Биологи, биотехнологийн сургууль, Генийн инженерчлэлийн лабораторийн багш нар, Биоаюулгүй Байдлыг Хангах Үндэсний Хороо, “Биоаюулгүй Байдлын Чадавхийг Бэхжүүлэх” төсөл, Нийслэлийн мэргэжлийн хяналтын төв лаборатори болон тус төвийн мэргэжилтэн, судлаачид хичээл заан, хөтлөн явуулсан юм.
