Бээжингийн зам тээврийн их сургуулийн төлөөлөгчид өнөөдөр МУИС-д хүрэлцэн ирж хоёр сургуулийн хамтын ажиллагааны санамж бичигт гарын үсэг зурлаа.
МУИС-ийн сургалт эрхэлсэн дэд захирал Б.Очирхуяг, ГХСС-ийн захирал Д.Бадмаанямбуу, ЭЗС-ийн захирал Ц.Даваадорж нар тус сургуулийн төлөөлөгчдийг хүлээн авч уулзан хамтын ажиллагааныхаа талаар санал солилцсон юм.
Гадаад хэл соёлын болоод зам тээвэр, удирдлагын мэргэжлээр оюутан солилцож, цаашдын сургалт судалгааны чиглэлд идэвхитэй хамтран ажиллахад таатай байгаагаа хоёр сургуулийн удирдлагууд илэрхийлж байлаа. Бээжингийн Зам тээврийн их сургууль нь зуу гаруй жилийн түүхтэй БНХАУ-ын ууган сургуулиудын нэг юм.
