МУИС өөрийн сургуулийн багш, судлаач нарын эрдэм шинжилгээ, судалгааны ажлыг дэмжих зорилгоор дэлхийд алдартай PIVOT олон улсын төслийн зарлалын хайлтын системийг (1. Funding, 2.Profile/-ийг турших боломжтой) 2013 оны 11 дүгээр сарын 30-ны өдрийг хүртэл туршилтаар ашиглахаар боллоо.
PIVOT системээс бүхий л салбар чиглэлийн эрдэм шинжилгээ, судалгааны ажлыг санхүүжүүлэх ивээн тэтгэгч, ижил чиглэлээр судалгаа хийж байгаа эрдэмтэн, судлаачдын сүүлийн үеийн бүтээлийн жагсаалт, судалгааны ажлын хураангуй, холбоо барих хаягууд гээд хэрэгтэй мэдээллүүдийг авах боломжтой. Энэ хайлтын системд 26000 судалгааны сан, 33 тэрбум төгрөгийн хөрөнгө эргэлдэж байдаг. Багш, судлаач нар МУИС-ийн и-мэйл, нууц дугаараар нэвтэрч болно. (@num.edu.mn ) и-мэйлээр бүртгүүлнэ). Бүртгүүлсэн хаягаар тань баталгаажуулалт хийхийг сануулсан и-мэйл ирэхэд зөвшөөрснөөр таны хаяг идэвхитэй болно.
Системд нэвтрэх боломжгүй бол өөрийн и-мэйлийг сонирхсон эрдэм шинжилгээ, судалгааны чиглэл болон сэдвийн хамтаар Гадаад Харилцаа Хамтын Ажиллагааны хэлтсийн int_rel@num.edu.mn хаягаар илгээнэ үү.
Гадаад Харилцаа Хамтын Ажиллагааны Хэлтэс
