АНУ-ын Улаанбаатар дахь элчин сайдын яамны олон нийттэй харилцах алба 2014-2015 оны хичээлийн жилд Фулбраитын англи хэл заах багш ажиллуулах хөтөлбөрт их сургуулиудыг оролцохыг урьж байна. Монголын их сургуулиуд, их сургуулийн тэнхимүүд АНУ-ын Англи хэл заах багш ажиллуулах хөтөлбөрт материал бүрдүүлэн өгч болно.
Энэ хөтөлбөрийг АНУ-ын төрийн департментийн Боловсрол, Соёлын асуудал эрхэлсэн яам зохион байгуулж, санхүүжүүлдэг. Монголын их сургуулиудад унаган англи хэлтэй иргэдийг ажиллуулж, соёлын харилцааг хөгжүүлэх зорилготой. Фулбраитын Англи хэл заах арга зүйн хөтөлбөр нь Соёлын ойголтыг өгч, англи хэлний заах арга зүйг сайжруулахад дэмжлэг үзүүлдэг.
АНУ-аас ирж байгаа хүмүүс шинэхэн сургуулиа төгссөн иргэд байгаа бөгөөд мэргэжлийн багш нар биш тул Монголын их сургуулийн багш нарын арга туршлагаас суралцан, мэдлэгээ өргөжүүлэх сонирхолтой.
Хүлээн авагч их сургуулиудад тавигдах шаардлага:
Монгол улсын магадлан итгэмжлэгдсэн их сургуулиуд, дээд боловсролын байгууллага
Сургуулийн мэдээлэл, товч танилцуулга, сургуульд заадаг англи хэлний хичээлийн тухай мэдээлэл, Фулбраитын англи хэл заах багш ажиллуулах хөтөлбөрөөс хүлээж буй англи хэлний хичээлийн тухай бичсэн төсөлдөө илэрхийлэх
Фулбраитын англи хэл заах багшид монгол хэл, соёлын тухай заах хичээлээ илэрхийлэх
Багшид хичээлийн жилийн хугацаанд байрлах аюулгүй орчин (цэвэр гал тогоо, ариун цэврийн өрөө, хими цэвэрлэгээ) санал болгох. Боломжгүй бол хотын төвд, эсвэл сургуультай ойр энэ нөхцлийг бүрдүүлсэн байр хөлслөх (Төсөлдөө энэ тухай бичнэ.)
Гадаадын иргэн харъяатын асуудал эрхлэх газарт хандан Багшид Монгол улсад нэвтрэх, оршин суух виз олгох
Багшийг хариуцах профессорыг томилсон дэмжих захиаг их сургуулиас илгээх
Багшаар хийлгэх зүйлс:
7 хоногт 20 цагаас дээш ангид хичээл оруулахгүй,
Хэл, соёлын сурталчлах үйл ажиллагааг оюутнуудын дунд зохион байгуулах
Хамтран хичээл заах болон бие даан хичээл заах нь сургуулиас, багшийн чадвараас хамаарна.
Материалаа pao@usembassy.mn хаягаар илгээнэ үү.
Бүртгэлийн хугацаа: Материалаа 2014 оны 3 сарын 20-ны өдрөөс өмнө АНУ-ын элчин сайдын яамны олон нийттэй харилцах албанд хүргэнэ үү. Материалыг и-мэйлээр илгээнэ, цаасаар илгээсэн материалыг хүлээн авах боломжгүй.
Хөтөлбөрт тэнцсэн их сургуультай багшийг ажиллуулах гэрээ байгуулна.
Хаяг: 11-р хороолол, их тойруу, АНУ-ын элчин сайдын яам, олон нийттэй харилцах алба
Утас: 70076001
И-мэйл: pao@usembassy.mn
