Монголын сэтгүүл зүйн анхны шинжлэх ухааны доктор Г.Дэлэгийн мэндэлсний 90 жилийн ойг МУИС-ийн Сэтгүүл зүйн тэнхим, Монголын Сэтгүүлчдийн Эвлэл хамтран тэмдэглэлээ.
Ойн хүрээнд 2014 оны 3-р сарын 5-нд «Доктор Г.Дэлэг Монголын сэтгүүл зүйн нэрт судлаач, сэтгүүлч, сурган хүмүүжүүлэгч мөн» сэдэвт эрдэм шинжилгээний хурал зохион байгуулагдсан байна. Хурлыг МУИС-ийн ШУС-ийн захирал, доктор, профессор Б.Болдгив нээж, Сэтгүүл зүйн тэнхимийн багш, шинжлэх ухааны доктор, профессор М.Зулькафиль, Л.Норовсүрэн, доктор, дэд профессор Ч.Чойсамба, Б.Наранбаатар, Г.Мэндхүү, докторант Т.Өнөрсайхан, мөн ХУИС-ийн Медиатехнологийн тэнхимийн багш, доктор, дэд профессор Л.Ариун, ОТИС-ийн Сэтгүүл зүйн тэнхимийн эрхлэгч, доктор Х.Энхтуяа нар илтгэл тавьж хэлэлцүүллээ. Сэтгүүл зүйн шилдэг судлаачид олгодог Г.Дэлэгийн нэрэмжит шагналыг Ч.Чойсамба хүртсэнийг МСЭ-ийн ерөнхийлөгч Б.Галаарид энэ үеэр гардуулж өгсөн байна. Энэхүү шагналыг 1999 оноос хойш олгосон бөгөөд өнгөрсөн хугацаанд М.Зулькафиль, Л.Норовсүрэн, Т.Баасансүрэн нар хүртжээ.
