Засгийн газар хоорондын гэрээ хэлэлцээрийн дагуу 2014-2015 оны хичээлийн жилд Бүгд Найрамдах Казакстан Улс, Бүгд Найрамдах Социалист Вьетнам Улс, Бүгд Найрамдах Ардчилсан Лаос Ард Улсад тухайн улсын Засгийн газрын тэтгэлгээр суралцуулна. Үүнд: · Казакстан улсад 3 иргэнийг бакалаврт /нефть олборлолт-1, байгалийн хий олборлолт-1, уул уурхай-1/, 2 иргэнийг магистрт /мэргэжил харгалзахгүй/
· Вьетнам улсад 13 иргэнийг бакалаврт /боловсруулах үйлдвэрлэл-4, сэргээгдэх эрчим хүч-4, анагаах ухаан-3, соёлын өвийн сэргээн засварлалт-2/, 2 иргэнийг магистрт /инженер/
· Лаос улсад 8 иргэнийг бакалаврт /инженер-4, хүнс, хөдөө аж ахуй-4/.
Баклаврт сурахаар бүртгүүлэхэд дараах шалгуурыг хангасан байх:
– 1, 2 дугаар ангийн оюутан байх
– Голч дүн 3.0-аас дээш байх
– 21 хүртэлх насны Монгол Улсын иргэд бакалаврын сургалтад хамрагдах шалгаруулалтад оролцох эрхтэй бөгөөд 2014 оны 3 дүгээр сарын 31-ний дотор 12.00 цагт хүртэл МУИС-ийн Хичээлийн 1-р байр, 219 тоотод бүртгүүлнэ.
Бүрдүүлэх материал:
– Дүнгийн тодорхойлолт
– Иргэний үнэмлэхний хуулбар /нотариатаар баталгаажуулсан байх/
– Шалгалтын хураамж 10000 төгрөг
Магистрт сурахаар бүртгүүлэхэд дараах шалгуурыг хангасан байх:
– Бакалаврын зэрэгтэй байх
– Дипломын голч дүн 3.0 ба түүнээс дээш байх
– 35 хүртэлх насны Монгол Улсын иргэд сургалтад хамрагдах шалгаруулалтад оролцох эрхтэй бөгөөд 2014 оны 3 дүгээр сарын 31-ний өдрийн 10.00-17.00 цагийн хооронд МУИС-ийн Хичээлийн 1-р байр, 219 тоотод бүртгүүлнэ.
Бүрдүүлэх материал:
– Иргэний үнэмлэхний хуулбар,
– Бакалаврын диплом, дүнгийн жагсаалтыг эх хувийг хуулбарын хамт,
– Ажил байдлын тодорхойлолт авч ирнэ.
– Шалгалтын хураамж 10000 төгрөг болно.
Казакстан улсын тэтгэлэгт хамрагдахыг хүсэгчдээс орос хэл, Вьетнам улс, Лаос улсын тэтгэлэгт хамрагдахыг хүсэгчдээс англи хэлний, нийт тэтгэлэгт хамрагдахыг хүсэгчдээс мэргэжлийн шалгалт авах бөгөөд шалгалтыг МУИС-ийн хичээлийн 2 дугаар байрны өргөтгөлийн 3 дугаар давхарын уншлагын танхимд зохион байгуулна.
Шалгалтад ороход иргэний үнэмлэх шалгана. Шалгалтыг 2014 оны 4 дүгээр сарын 2-ний өдрийн 15.00 цагт тестийн хэлбэрээр авна.
Суралцаж байгаа мэргэжлийн чиглэлээс хамаарч мэргэжлийн шалгалтыг “математик” эсвэл “хими”-ийн аль нэгээр өгнө.
| № | Мэргэжлийн чиглэл | Шалгалт |
| 1 | Нефть олборлолт, Байгалийн хий олборлолт, Уул уурхай, Боловсруулах үйлдвэрлэл, сэргээгдэх эрчим хүч, инженер | Математик |
| 2 | Анагаах ухаан, соёлын өвийн сэргээн засварлалт, Хөдөө аж ахуй | Хими |
Шалгалтын дүнг 2014 оны 4 дүгээр сарын 4-ний өдрийн 18.00 цагт МУИС-ийн 2 дугаар байрны зарлалын самбарт гаргана. Тэтгэлэгт хамрагдахаар шалгарсан хүмүүсийг тухайн улсын их, дээд сургуульд суралцуулахаар нэр дэвшүүлнэ. Суралцуулах тухай эцсийн шийдвэрийг хүлээн авах тал гаргана. Хүлээн авагч тал Засгийн газрын тэтгэлгээр суралцагчдын сургалтын төлбөрийг хариуцах ба амьжиргааны тэтгэлэг олгоно. Бусад зардал (замын зардал, эрүүл мэндийн даатгал гэх мэт)-ыг суралцагч өөрөө хариуцна.
Оюутанд үйлчлэх төв
