Монголын Залуучуудын холбооноос зохион байгуулагдаж буй тус арга хэмжээ нь Монгол Улсын дээд боловсролын сургалтын бүх чиглэлийг хамарсан залуу багш, оюутны үндэсний хэмжээний ЭШБХ-ыг зохион байгуулж, судалгааны ажлыг олон нийтэд суртачлах, урамшуулах, судалгаа шинжилгээний ажил хийх сонирхолтой залуусын тоог нэмэгдүүлэх замаар нийгмийн хөгжилд хувь нэмэр оруулах зорилготой юм.
Оюутанд тавигдах шаардлага: Өөрийн сургуулийн эсвэл салбар сургуулийн эрдэм шинжилгээний бага хуралд 1-3 байр эзэлсэн байх
Багшид тавигдах шаардлага: 40 нас хүрээгүй байх /докторын зэрэг хамгаалсан багш оролцож болно/
Үе шат, хугацаа
|
Огноо |
Үдээс өмнө 09:00 цагаас | Үдээс хойш 14:00 цагаас |
| 2014.04.07 | Эдийн засгийн салбар | Бизнесийн салбар |
| 2014.04.08 | Техник технологийн салбар | Мэдээллийн технологийн салбар |
| 2014.04.09 | Нийгмийн ухааны салбар | Хууль эрх зүйн салбар |
| 2014.04.10 | Газарзүй, геологийн салбар | Экологи, хөдөө аж ахуйн салбар |
| 2014.04.11 | Байгалийн ухааны салбар | Анагаах ухааны салбар |
Нэгдсэн хуралдаан 2014.04.16-нд Төрийн ордны их танхимд болно.
Оролцогчдын бүрдүүлэх материал:
- Илтгэгчийн CV /цээж зурагтай/
- Оюутнууд сургуулийнхаа ЭШБХ-д 1-3 байр эзэлсэн тухай баримт
- Илтгэлийг цаасаар болон файлаар ирүүлнэ. /Илтгэл А4 хэмжээтэй 6-10 хуудас байна. Үсгийн фонт Arial, үсгийн өндөр 12 pt, мөр хоорондын зай 1,5 байна./
Нэг сургуулиас 2 оюутан, 2 багш бүртгэнэ. Хуралд сууж илтгэл сонирхох оюутны тоонд хязгаар тавихгүй.
Шалгаруулалт
1. Илтгэл хэлэлцүүлэх хугацаа 5-8 минут.
2. Салбар тус бүрт 1,2,3-р байрын оюутан, 1 багш шалгаруулна.
3. Салбартаа түрүүлсэн багш, оюутны илтгэлийг нэгдсэн хуралдаанд хэлэлцүүлнэ.
Шүүгчдийн комиссыг дараах байдлаар бүрдүүлнэ.
1. ШУА-ийн эрдмийн зэрэг цолтой эрдэмтэд
2. Их, дээд сургуулийн эрдмийн зэрэг цолтой багш нар
3. Салбар яамдын төлөөлөл /судалгаа хариуцсан ахлах ажилтан/
4. МЗХ-ны Залуучуудын шинжлэх ухаан, технологийн хорооны тэргүүлэгчид
Шүүгчид дараах 5 шалгуураар шилдэг илтгэлийг шалгаруулна. Үүнд:
- Судалгааны ажлын үндэслэл
- Нийгэм, эдийн засгийн хэрэгцээ шаардлага
- Шинэлэг санаа
- Практик ач холбогдол
- Илтгэх чадвар
Бүртгэл: МЗХ-ны төв байрны 201 тоотод явагдаж байна.
Хаяг: Улаанбаатар хот, Сүхбаатар дүүрэг, Бага тойруу-42, МЗХ-ны төв байр, 201 тоот, утас: 11-322643
Цахим хуудас болон шуудан: www.myf.mn, event@myf.mn
Дэлгэрэнгүй мэдээллийг доорхи холбоосоор орж үзнэ үү.
