МУИС болон БНСУ-ын Конгүгийн их сургууль хооронд байгуулсан гэрээний дагуу Конгүг их сургуульд 1-2 улирал суралцахыг урьж байна. Солилцооны хөтөлбөрт шалгарсан оюутан тус сургуульд сургалтын төлбөр төлөхгүй бөгөөд байр, хоолны зардлаа өөрөө хариуцна.
Тавигдах шаардлага:
- МУИС-ийн өдрийн ангийн нэг, хоёр, гуравдугаар түвшний оюутан байх (Шилжиж ирсэн оюутнууд МУИС-д дор хаяж нэг улирал суралцсан байх)
- Англи эсвэл Солонгос хэлний мэдлэгтэй байх
- Дүнгийн голч 2.5-аас дээш байх
- Өмнө нь оюутан солилцооны хөтөлбөрт хамрагдаагүй байх
- Өмнө нь БНСУ-д хууль бусаар амьдарч, БНСУ-ын хууль тогтоомж зөрчөөгүй байх
Тавигдах шаардлагыг хангасан оюутнууд сургуулийнхаа сургалтын албанд 5 дугаар сарын 19 -ны 18:00 цаг хүртэл бүртгүүлнэ үү.
Бүрдүүлэх материал:
- Конгүг их сургуулийн оюутан солилцооны хөтөлбөрийн өргөдлийн маягт
(Компьютер дээр англиар шивж, хэвлээд гарын үсэг зурна. Маягт дээрх хүснэгт, бичвэрийг арилгаж өөрчлөхийг хориглоно. ) маягтыг эндээс татаж авна уу
- Дүнгийн хуулбар (Сургалтын албаар баталгаажуулсан байх, Англи эсвэл Солонгос хэл дээр байх)
- Суралцах төлөвлөгөө, зорилгыг илэрхийлсэн эссэ (Англи эсвэл Солонгос хэл дээр байх, 300-500 үгтэй байх) маягтыг эндээс татаж авна уу
- Оюутныг тодорхойлох захидал (1 нүүрт багтаах) маягтыг эндээс татаж авна уу
- Гадаад паспортын хуулбар (2016 оны 2 сар хүртэл хүчинтэй байх)
- Цээж зураг-2ш (3.5*4.5см хэмжээтэй, өөрийн нэрийг зургийн ард талд гадаад паспорт дээр бичигдсэний дагуу бичсэн байх)
Дэлгэрэнгүй мэдээллийг http://www.konkuk.ac.kr/eng/jsp/Admissions/admi_030800.jsp линкээр орж авна уу.
