БНСУ-ын “POSCO TJ PARK” сан Азийн залуу удирдагчдыг дэмжих зорилгоор тэтгэлэг олгодог бөгөөд 2014 онд Монгол улсын тэр дундаа МУИС-ийн шилдэг 15 оюутанд “POSCO” сангийн нэрэмжит тэтгэлэгээ гардуулан өглөө.
Тэтгэлэг гардуулах ёслолын арга хэмжээнд Поско сангийн төлөөлөгч Lee Jea Hwa, МУИС-ийг төлөөлж Сургалтын асуудал эрхэлсэн дэд захирал О.Мөнхбат болон бусад албаныхан байлцаж шилдэг оюутнуудад тэтгэлэг гардуулан өгсөн юм.
МУИС-ийн оюутнуудын сурах хүсэл эрмэлзлэлийг бадрааж, санхүүгийн бодит дэм болж ирсэн уг тэтгэлэг нь Posco сангийн Азид чиглэсэн олон хөтөлбөрүүдийн нэг нь юм.
Дашрамд дурьдахад МУИС болон POSCO сан хамтын ажиллагааны гэрээ байгуулаад 10 жил болж буй хугацаандаа давхардсан тоогоор 195 оюутанд энэхүү тэтгэлэгийг олгоод байна.
