МУИС-ийн Хөтөлбөрийн хорооны ахлагч нарын уулзалт 10 дугаар сарын 29-ний өдөр боллоо. Уулзалтаар МУИС-ийн Хөтөлбөрийн ерөнхий хороо болон дэд хорооны өнөөдрийг хүртэл хэрэгжүүлсэн үйл ажиллагааны талаарх мэдээ, Сургалтын хөтөлбөрийн мэдээллийн санг бүрдүүлэх болон магистр докторын хөтөлбөрийг шинэчлэн боловсруулах зааврыг танилцуулж санал бодлоо солилцлоо.
Уулзалтын явцад оролцогсод хөтөлбөрийн мэдээллийн сан бүрдүүлэх ажлыг дэмжин сайшаасны зэрэгцээ зохиогчийн эрх, патентжуулалт зэрэг эрх зүйн хамгаалалтыг сайтар судлах шаардлагатайг онцолсон. Тухайн сургалтын хөтөлбөр албан ёсоор баталгаажсан, мэдээллийн бааз болж улмаар оролцогч талуудад нээлттэй байж, мэргэжлийн шинжээчид судалгаа болон оюутан, суралцагсдад судалгаа, сонголт хийх боломжуудыг бүрдүүлэхэд анхааран ажиллахаар боллоо. Мөн эрх зүйн үндэслэлийн дагуу хөтөлбөрийн хороо, дэд хорооны гишүүдэд урамшуулал олгох захирлын тушаал гарсныг энэ үеэр мэдэгдсэн юм.
