МУИС-ийн ШУС-ийн Газарзүйн тэнхмийн багш профессор Б.Чинбат, В.Батцэнгэл, доктор С.Шийрэв-Адъяа, МУИС-ийн профессор ахмад эрдэмтэн, ШУ-ны доктор Д.Базаргүр нарт 2014 оны 12 дугаар сарын 16-ны өдөр Өвөр Монголын Багшийн Их Сургуулийн хүндэт профессор цол олгосон байна.
Хүндэт профессор цолны үнэмлэхийг ӨМБИС-ийн ерөнхийлөгч, профессор Юун Гуо Хун гардуулж баяр хүргэлээ. Тэрээр “МУИС, ӨМБИС-ийн хоорондын хамтын ажиллагааг бэхжүүлэх болон Монголын газарзүйн шинжлэх ухаанд оруулсан тэдний хувь нэмрийг үнэлж энэ эрхэм хүндтэй цолыг олгож байна” хэмээн профессор Юун Гуо Хун онцолсон байна.
Өвөр Монголын Багшийн Их Сургуулийн хүндэт профессор цол хүртсэн эрдэмтэн багш нартаа эрүүл энхийг хүсэн ерөөж цаашдын судалгааны ажилд нь өндөр амжилт хүсье.
