МУИС-ийн Хүндэт Доктор Дэвид Пикаскийн нэрэмжит оюутны тэтгэлэг ШУС, ХУС-ын Их Британи, Америк судлалын тэнхмийн оюутнуудын дунд 2014 оны 11 сарын 10-14ний хооронд зарлагдсан бөгөөд тус тэтгэлэгт нийт 48 оюутан тэтгэлэг хүссэн өргөдөл, бусад холбогдох бичиг баримтаа ирүүлсэн байна.
Энэ жил тэтгэлгийн журамд тусгасны дагуу сурлагын амжилтыг үндэслэн 8 оюутан, төлбөрийн чадамжгүй ар гэрийн гачигдалтай гэх үндэслэлээр 2 оюутан нийт 10 оюутанд тэтгэлэг олгохоор шийдвэрлэсэн. Тэтгэлэг хүсэгчдийг 2 шатлалаар сонгон шалгаруулснаар англи, монгол-англи судлалын 2-р ангийн оюутан Ц. Түшигжаргал, С.Дөлгөөн, О. Нинжин, Б. Цэцэгбал, 3-р ангийн оюутан Г. Энх-Амгалан, Б. Цолмон, 4-р ангийн оюутан О. Баасанцэнд, Г. Дариймаа, Г. Анударь, К. Айгерим нар тэтгэлгийн эздээр шалгарч сертификат, 500.000 төгрөгийн тэтгэлгийг тус тус гардан авлаа. Тэтгэлэг хүртсэн нийт оюутнууддаа цаашдын сурлага хөдөлмөрт нь өндөр амжилт хүсье.
