Монголын их дээд сургуулиудын консорциум(МИДСК)-ын гишүүн сургуулиудын биеийн тамирын болон бусад мэргэжлийн багш нарын дунд зохиогддог уламжлалт сагсан бөмбөгийн тэмцээн 10 жил завсарласны дараагаар дахин сэргэж, аваргуудаа тодрууллаа. 2015 оны нэгдүгээр сарын 23, 24-ний өдрүүдэд болсон тус тэмцээнээс МУИС-ийн эрэгтэй баг мөнгөн медаль, эмэгтэй баг алтан медаль хүртэж, МУИС-ийн багш нарын спортын ур чадвар, чанар чансааг харууллаа.
МИДСК-ын дэргэдэх Биеийн Тамирын Багш нарын Холбооны үйл ажиллагааг сурталчлах, багш нарын чөлөөт цагийг зөв боловсон өнгөрүүлэх, хамтран ажиллах, туршлага солилцох, нөхөрсөг харилцааг бий болгох зорилго дор Эрэгтэй 12, эмэгтэй 9 баг нийт 200 гаруй багш нар нэгджээ.
Тэмцээний үр дүнд
Эрэгтэй багуудаас 1-р байрыг ШУТИС, 2-р байрыг МУИС, 3-р байрыг ХААИС-ийн багш нар эзэлсэн бол, эмэгтэйчүүдийн төрөлд МУИС-ийн баг тэргүүлж, ШУТИС удаалан, ҮБТ-ын дээд сургууль гуравт шалгарсан байна. Тэмцээний хаалтын үеэр зохион байгуулагчид энэ тэмцээн жил ирэх тусам төрлүүдээ нэмж өргөжин тэлсээр байхыг баг тамирчиддаа дуулгажээ.
