МУИС нь Монголын Сурагчдын Холбоотай хамтран зохион явуулж буй 2015-2016 оны хичээлийн жилд их, дээд сургуульд элсэн орох сурагчдад зориулсан ӨДӨРЛӨГТ ЕБС-ийн ахлах ангийн 600 сурагч хамрагдаж байна.
Сургалтын нэгдсэн албаны дарга, доктор Ч.Ундрам мэргэжилтнүүдийн хамт, ОХ-ны гишүүд, шилдэг оюутнуудын төлөөллүүд МУИС-ийн эрдэмтэн профессоруудын чуулдаг Дугуй танхимд МУИС-д суралцах сонирхолдоо хөтлөгдсөн ирсэн, өнөөдрийн хүндэт зочдоо угтан авч Монголын ууган их сургуулийн тухай, хүсэл тэмүүлэл, зорилготой нэгэн байхын тухай сонирхолтой, чихэнд чимэгтэй мэдээ мэдээлэл хүргэлээ.
Эрдэм, номын өргөөнөө, үлгэр жишээ ах, эгч нарынхаа захиасыг сонордсоныхоо дараагаар, ОХ-ны гишүүдээр удирдуулан 6 бүлэгт хуваагдаж танилцах аялалаа эхлүүлэхээр Бүрэлдэхүүн сургуулиудыг зорьсан юм. Өнөөдөр уг арга хэмжээний эхний ээлж буюу 300 сурагчийг хүлээн авч байгаа бол үлдсэн хэсгийг маргааш буюу 2015 оны 3 дугаар сарын 10-ны өдрийн 14.00-18.00 цагийн хооронд төлөвлөсөн хөтөлбөрийн дагуу аялуулна.
