МУИС-ийн Газарзүйн тэнхимийн оюутны ЭШ-ний хурлын УДИРДАМЖ

Share Button

IMG_0415Хамрах хүрээ: МУИС-ийн ШУС-ийн Байгалийн ухааны салбарын Газарзүйн тэнхимийн харьяа бакалавр, магистрант, докторант оюутнуудын дунд 2 ангиллаар (1.Бакалавруудын түвшин 2.Магистрант, докторантуудын түвшин)-д явагдана.

Хугацаа:

1. Материалыг 2015 оны 3 дугаар сарын 31-ний өдрийн 18 цаг хүртэл хүлээж авна.

2. Ирсэн илтгэлүүдээс хурлын комиссын гишүүд хянаж үзээд Бакалаврын түвшин шилдэг 8 илтгэлийг шалгаруулж 2015 оны 4 дүгээр сарын 3-ны 12:00 цагаас хичээлийн 7-р байрны 307 тоот танхимд хэлэлцүүлнэ. Эхний шатанд шалгарсан илтгэлүүдийг 4 дүгээр сарын 2-ны дотор илтгэгч нарт мэдэгдэнэ.

Магистрант, докторантуудын түвшинд оролцох оюутнуудын илтгэлийн тоо хязгаарлахгүй.

Зорилго:

1.Оюутан залуусын эрдэм шинжилгээ судалгааны ажлыг урамшуулах, цаашид судалгаа шинжилгээ хийх урам зоригийг нь нэмэгдүүлэх

3.Хичээл сургалтаар болон дадлагаар олж авсан мэдлэгийг нь баталгаажуулах

4.Оюутнуудын илтгэх чадвар, бие даасан бүтээлч сэтгэлгээг хөгжүүлэх

 Шагнал:

1.Бакалаврын түвшинд эхний байранд шалгарсан 2 илтгэлийг ШУC-ийн БУС-ын оюутны эрдэм шинжилгээний хуралд оролцуулна.

2.Магистрант, докторантуудын түвшинд 1-3 байр эзлүүлж урамшуулна.

Хурлын явц:

  1. Хуралд илтгэл тавьж буй оюутнуудыг удирдаж буй багш, эрдэмтэд шүүгчийн бүрэлдэхүүнд  оросн бол өөрийн оюутанд оноо өгөхгүй.
  2. Илтгэлийн хугацаа 7 минут, асуулт хариулт хүн бүр 3 минут үргэлжилнэ.
  3. Энэхүү хурлын илтгэлийг газарзүйн тэнхимийн М-р.Э.Алтанболдод дараах шаардлагын дагуу ирүүлнэ. 

Оюутны эрдэм шинжилгээний

бага хуралд ирүүлэх илтгэлд тавигдах  шаардлага 

Илтгэгч итгэлээ  хураангуй хэлбэрээр 4-5  нүүрэнд багтааж word хэлбэрээр  доорх тодорхой форматын дагуу бэлдэж зохион байгуулах комисст ирүүлнэ. Эхний шатанд шалгарсан  илтгэлийг  powerpoint болон бусад үзүүлэн хэлбэрээр илтгэх хугацаандаа багтах хэмжээгээр бэлтгэнэ. Бэлтгэсэн үзүүлэнгээ зохион байгуулах комисст өөрийн биеэр авчирч  өгнө.

Үсгийн хэлбэр болон хэмжээ: Times New Roman фонтоор, үсгийн өндөр 10 pt, мөр хоорондын зай single, хүснэгтийн үсгийн хэмжээ 8 pt байна.

Захын зайнууд: дээр болон доороос 10 мм, баруун болон зүүнээс 15 мм.

  1. Сэдвийн нэр……………………………… ……………………………..
  2. Илтгэгчийн овог, нэр……………………………………………….
  3.  Илтгэгчийн цахим хаяг, утасны дугаар………………………………….
  4. Удирдагчийн нэр, эрдмийн зэрэг…………………………………………….

Судалгааны агуулга  дараах хэлбэрээр бичигдэнэ. Үүнд:

-Судалгааны үндэслэл, зорилго, зорилт

 -Түлхүүр үг: Нэр үг, ганц тоон дээр бичигдэнэ.

-Сэдвийн судлагдсан байдал, онолын хэсэг

-Судалгааны арга, аргазүй

-Судалгааны үр дүн: Зураг, график, хүснэгт болон бусад хэлбэрээр тодорхой гаргах

-Судалгааны ач холбогдол: Онолын болон практик

-Дүгнэлт: Тодорхой дэс дарааллаар өөрийн хийсэн судалгааны ажлаа дүгнэх

– Ашигласан материалын жагсаалт: Цагаан толгойн үсгийн дарааллаар бичих  

ШУС, БУС-ын Газарзүйн тэнхим

Сул хараатай иргэдэд
зориулсан хувилбар
Энгийн хувилбар