Өчигдөр “Сурагч” сэтгүүлээс Ерөнхий боловсролын сургуулийн төгсөх ангийн сурагчдад зориулан “Манайд элсээрэй” нэртэй Монголын их, дээд сургуулиудтай танилцах арга хэмжээнд Сургалтын нэгдсэн алба 2015 онд МУИС-д элсэлт авах хөтөлбөрүүд, элсэлтийн журмаа сурталчилах ажлын хүрээнд, оюутнуудынхаа хамтаар оролцоод ирлээ.
Энэ үеэр Монголд үйл ажиллагаа явуулж буй бүх их, дээд сургууль, коллежууд 2015-2016 оны хичээлийн жилийн шинэ элсэгчдэд сургуулийнхаа талаар нээлттэй мэдээлэл өгсний зэрэгцээ, БСШУ-ны сайд Л.Гантөмөр төгсөгчдийн эцэг эхчүүдэд хандан “Өнөөдөр та хоосон хонож болно. Ирээдүйд хоосон хонох 100 өдөр битгий ирээсэй гэж эцсийн сохор зоосоо хүүхдийнхээ боловсролд зарцуул” гэсэн уриалгыг энэ үеэр дэвшүүлжээ.
Үйл ажиллагаа үүгээр үл хязгаарлагдаж эцэг эх, найз нөхдийн хамтаар хүрэлцэн ирсэн дунд болон ахлах ангийн сурагчдад Рок, поп урлагийнхны тоглолтыг толилуулснаараа онцлог боллоо.
