Өчигдөр МУИС-ийн шинээр бүрэлдсэн “Номын Сангийн Зөвлөл”-ийн анхны хурал боллоо. 
Номын сангаа олон улсын жишигт ойртуулах, хөгжүүлэхийн тулд өнөөдрийн бодит нөхцөл байдал, тулгамдаж буй асуудлаа олж тодорхойлон, энэ хөрсөн дээр шат дараалсан ямар ажлууд хийж болох санал санаачилга, төлөвлөгөөгөө захирал Г.Цэрэн зөвлөлийн гишүүддээ танилцуулан эхний ээлжинд дижитал фондыг бүрдүүлэх шинжлэх ухааны чиглэлийн номуудын сонголтыг хэрхэн хийх, цаашид байнгын ажиллагааг хангахад ямар арга замууд байж болох талаар санал бодлоо солилцохыг хүссээн. Гишүүн бүр өөрсдийн туршлага, мэдлэгээс үүдэлтэй санаа, бодлоо чөлөөтэй илэрхийлж, цаашид шийдвэртэй алхамуудыг хийх зорилгыг энэ үеэр тависан юм. 
Тэд дижитал номын фондыг нэн ховор болоод эрэлт ихтэй ном, сурах бичиг; ерөнхий суурь хичээлийн номуудаар бүрдүүлэх шаардлагатай гэдэг дээр санал нэгдэж, ойрын хугацаанд номын нэрсийг гаргах ажлыг зохион байгуулахаар боллоо.
МУИС-ийн захирлын 2015 оны 3 дугаар сарын 30-ны өдрийн А/86 тоот тушаалаар батлагдсан “Номын сангийн зөвлөл”-ийн бүрэлдэхүүнийг танилцуулъя.
“Номын сангийн зөвлөл”-ийн даргаар ОУХНУС-ийн захирал С.Баттулга, Нарийн бичгийн даргаар МУИС-ийн Төв Номын Сангийн үйлчилгээ хариуцсан арга зүйч О.Нарантуяа нарыг гишүүд дуу нэгтэйгээр сонголоо.
Гишүүд:
Д-р Н.Оюун-Эрдэнэ Хэрэглээний шинжлэх ухаан, инженерчлэлийн сургуулийн профессор
Д-р Б.Болдгив Шинжлэх ухаан сургуулийн Байгалийн ухааны салбарын профессор
Д-р М.Зулькафиль Шинжлэх ухаан сургуулийн Нийгмийн ухааны салбарын профессор
Д-р Ж.Бат-Ирээдүй МУИС Прессийн захирал
Д-р С.Должин Хууль зүйн сургуулийн дэд профессор
Д-р Ч.Ундрам Сургалтын нэгдсэн албаны дарга
Д-р Д.Сайнбилэгт Шинжлэх ухаан сургуулийн Хүмүүнлэгийн ухааны салбарын профессор
О. Нарантуяа Номын сангийн арга зүйч
