МУИС-ийн Бизнесийн сургуулиас байгууллага, компаниудын менежерүүд, бизнес эрхлэгчдэд зориулан зохион байгуулдаг “БИЗНЕСИЙН УДИРДЛАГЫН ДЭЭД КУРС: МЕНЕЖМЕНТИЙН АХИСАН ТҮВШНИЙ ХӨТӨЛБӨР” 2015 оны 3 дугаар сарын элсэлтээ авч сар орчим хугацаанд хичээллэж, өндөрлөлөө.
Барууны бизнесийн сургуулиудын ахисан түвшний сургалтын (executive training) жишгээр хөтөлбөрийг боловсруулсан тус сургалтад МУИС-ийн Бизнесийн сургуулийн шилдэг багш нараас гадна компаниудын дээд түвшний менежер, туршлагатай захирлууд, менежментийн судалгаа, зөвлөх үйлчилгээ, сургалтын мэргэжлийн байгууллагын удирдлагууд хичээлүүдийг заадаг юм.
“Терра Экспресс” ХХК-ийн захирал Ш.Алтанбагана Стратегийн менежмент хичээлийг заав.
“Торгоны Зам” Сангийн Гүйцэтгэх захирал М.Халиунбат Бизнесийн загвар хичээлийг заав.
Юнител Группийн Тэргүүн дэд захирал Г.Болд Маркетингийн стратеги хичээлийг заав.
МУИС-ийн Бизнесийн сургуулийн багш, доктор А.Ганзориг Эрсдэлийн менежмент хичээлийг заав.
МУИС-ийн Бизнесийн сургуулийн багш, доктор, профессор Ч.Энхбаяр Санхүүгийн стратеги хичээлийг заав.
“BZP Consulting” ХХК-ийн захирал Г.Батзориг Байгууллагын хөгжил, өөрчлөлтийн менежмент хичээлийг заав.
Энэ удаагийн сургалтанд Мобиком Корпораци, Оюу Толгой, Энержи Ресурс, Алтайн Хүдэр, Макс Групп, Нью Прогресс Групп, Глобал Бридж болон бусад компаниудын бизнес менежер 20 орчим хүн хамрагдлаа.
Сургалтын зочин илтгэгчээр Монгол Улсын Хөгжлийн Банкны Гүйцэтгэх захирал Н.Мөнхбат оролцов.
Суралцагсад МУИС-ийн Бизнесийн сургуулийн “оюутан” болсондоо бахдалтай байв.
МУИС-ийн Бизнесийн сургуулийн “БИЗНЕСИЙН УДИРДЛАГЫН ДЭЭД КУРС: МЕНЕЖМЕНТИЙН АХИСАН ТҮВШНИЙ ХӨТӨЛБӨР” 2015 оны 5 дугаар сард хичээллэнэ.
