Чингис Империал Клуб (ЧИК)болон МУИС хоорондын хамтын ажиллагааны санамж бичигт 2015 оны 08 дугаар сарын 26-ны өдөр хоёр талын удирдлагууд гарын үсэг зурав.
Энэхүү санамж бичигт Монгол улсад нийтийн өмчийн их сургууль болон хувийн хэвшлийн үр ашигтай хамтын ажиллагааг эрчимжүүлэх, дээд боловсролын байгууллагын хөгжилд үлгэр болохуйц үйл ажиллагааг хэрэгжүүлэх, МУИС-ийн брэнд хөтөлбөрийг хөгжүүлэх болон байгаль, нийгэм, хүмүүнлэгийн суурь салбаруудын сургалт, судалгааны чанарын төвшинг нэмэгдүүлэх зорилгоор талууд хамтран Чингис хааны нэрэмжит сургууль (Chinggis Imperial Honors Schools) үүсгэн байгуулж энэ чиглэлээр хамтран ажиллах заалтыг тусгажээ.
