МУИС-ийн 73 дах удаагийн хичээлийн шинэ жилийн нээлтийн үйл ажиллагаа өнөөдөр ёслол төгөлдөр болж өнгөрлөө.
Хичээлийн жилийн нээлтийн ёслолын арга хэмжээнд МУИС-ийн захирал доктор Р.Бат-Эрдэнэ, БСШУЯ-ны Стратеги бодлого төлөвлөлтийн газрын дарга, МУИС-ийн удирдах зөвлөлийн дарга Б.Насанбаяр болон бүрэлдэхүүн сургуулиудын удирдлагууд оролцлоо.
Хичээлийн шинэ жилийн үйл ажиллагааг нээж, МУИС-ийн захирал доктор Р.Бат-Эрдэнэ хэлэхдээ:
Манай сургуулийн өөрчлөлт шинэчлэлийн өөр нэгэн жил эхэлж байна. Хөтөлбөрийн чанар, эрдэм судлалын үр өгөөжийг шинэ дээд түвшинд гаргаж, мэдлэгийн хүрээг тэлэн нийгмийн оюун санаанд оруулах хувь нэмрээ тасралтгүй нэмэгдүүлэх нь үндэсний тэргүүлэх их сургуулийн нэр хүндтэй үүрэг хариуцлага билээ. Энэхүү эрхэм үүргээ бид шинжлэх ухаанч ёсзүй, хандлагад тулгуурласан хараат бус академик эрэл хайгуулын бүтээлч орчин бүрдүүлэх замаар хэрэгжүүлж байна. Өөрөөр хэлбэл уламжлалт сургалтын тогтолцооноос тодорхой хэмжээгээр татгалзаж, шинжлэх ухааны үндэстэй судалгаа шинжилгээ, техник технологийн ололт амжилтад суурилсан зах зээлийн эрэлт шаардлагыг хангахуйц сургалтын шинэ үүд хаалгыг нээж, орчин үеийн дэлхийн жишигтэй хөл нийлүүлэн алхаж байна хэмээсэн юм.
МУИС-ийн захирал хичээлийн шинэ жилийн нээлтийг тохиолдуулан жил бүр шинжлэх ухааны нээлт, эрдэм шинжилгээний шилдэг бүтээлд өөрийн нэрэмжит шагнал олгодог уламжлалтай. 2.000.000 төгрөг байсан шагналын санг жилээс эхлэн 2 сая төгрөг болгон нэмэгдүүлсэн нь судалгааны их сургууль болох стратеги зорилтоо хэрэгжүүлэх, олон улсын түвшинд хүлээн зөвшөөрөгдсөн чадварлаг судлаачаа дэмжих бодлогын илэрхийлж болж байна. Энэ жилийн шагналыг Эрдэм, шинжилгээ Инноваци, Гадаад харилцааны асуудал хариуцсан дэд захирал Б.Болдгив “Worldwide evidence of a unimodal relationship between productivity and plant (2015) SCIENCE (IF=33,61)” сэдэвт цуврал бүртгэлтэй бүтээлээрээ импакт фактор бүхий олон улсын мэргэжлийн сэтгүүлд өгүүлэл хэвлүүлсэн амжилтаараа энэхүү шагналыг хүртэж байгаа юм.
Мөн дээрх үеэр МУИС-ийн удирдлагууд урлаг спорт, авьяас, сурлага хөдөлмөрөөрөө бусдыгаа тэргүүлсэн, шинээр элссэн Улсын олимпиадад эхний байр эзэлсэн оюутнуудад “МУИС-ийн нэрэмжит тэтгэлэг” олгож хичээл сурлагад нь амжилт хүсэж тэтгэлэгийг гардуулан өглөө.
Түүнчлэн “Оюутан цэрэг” хөтөлбөрт хамрагдан онцгой амжилт гаргасан нэр бүхий 2 дугаар түвшний 5 суралцагчид төлбөрийн хөнгөлөлт үзүүлэх батламж гардуулсан юм.
- ШУС-НУС-ийн суралцагч Хүрэлбаатарын Чойжилд сургалтын төлбөрийн 50 хувь
- Хоёрдугаар байрт шалгарсан ХШУИС-ийн суралцагч Цэдэнбалын Золжаргал сургалтын төлбөрийн 30 хувь
- Гуравдугаар байрт шалгарсан ХЗС-ийн суралцагч Эрдэнэбатын Мөнх-Ирээдүй нарт сургалтын төлбөрийн 30
- Дөрөвдүгээр байрт шалгарсан ШУС-НУС-ийн суралцагч Доржпаламын Энхсүх
- Тавдугаар байрт шалгарсан ШУС-НУС-ийн суралцагч Баатарын Амаржаргал нарт сургалтын төлбөрийн 25 хувьтай тэнцэх хэмжээний сургалтын төлбөрийн хөнгөлөлт үзүүллээ.
МУИС-ийн тэтгэлэг авсан оюутнуудын нэрс
Амжилттай сурах нь асуудал шийдэлт, идэвхтэй эрэл хайгуул, тууштай бүтээлч хөдөлмөрийн үр дүн байдаг. Та бүхний хувьд шинэ хичээлийн жил ирээдүйн их амжилтын эхлэл байна гэдэгт итгэлтэй байна. МУИС-ийн оюутан та бүхэн Монгол улсын ирээдүйг бүтээх юм.
