Олон улсын оюутны өдөрт зориулсан “Монголын оюутнууд ардчилсан хувьсгалд” номын нээлт МУИС-д боллоо. Энэхүү нээлтийн үйл ажиллагаанд 1990 оны ардчилсан хөдөлгөөнд идэвхтэй оролцож, зохион байгуулж явсан тэр үеийн оюутны төлөөлөл урилгаар оролцож нээлттэй уулзалт-ярилцлага, дурсамж өрнөлөө. 1989 оны өвөл Сүхбаатарын талбай дээр болсон цуглаанд 90 мянга орчим хүн оролцсоны 80 хувь нь оюутнууд байсан гэхээр Монголд өрнөсөн ардчилсан хөдөлгөөний гол хүч нь яах аргагүй оюутнууд байсныг уулзалт ярилцлагын үеэр онцлон хэлж байсан юм.
