МУИС болон БНСУ-ын Хосео их сургуулийн хооронд харилцан ойлголцлын санамж бичигт 2016 оны 12 сарын 24-нд гарын үсэг зурж, цаашид:
- Эрдэм шинжилгээний хамтарсан судалгаа хийх;
- Багш болон оюутан солилцох;
- Хоёр талын сонирхлын салбарт эрдэм шинжилгээ, судалгааны бүтээл, ном хэвлэл, мэдээлэл солилцох;
- Салбар сургууль, тэнхимийн хооронд хамтын ажиллагаа гэх мэт хүрээнд хамтран ажиллахаар тохиролцов.
Урд нь 2012 оны 9 дүгээр сарын 11-нд МУИС-ийн Худалдааны сургууль Хосео их сургуультай хамтын ажиллагааны гэрээ байгуулж байсан бөгөөд Хосео их сургуулиас уг гэрээг шинэчлэх хүсэлт ирүүлсэн юм.
Одоогийн байдлаар манай сургуулийн 2 багш тус сургуульд докторын зэрэг хамгаалсан ба 1 багш докторын зэрэг хамгаалахаар суралцаж байна. Уг гэрээг шинэчилэн хамтын ажиллагааны санамж бичиг болгосноор манай сургуулийн салбар сургуулиуд тус сургуультай хамтын ажиллагаа үргэлжлүүлэн явуулах боломж нээгдэж байгаа юм.
