Захиргааны зөвлөлийн ээлжит хурал боллоо

Share Button

Захиргааны зөвлөлийн 2016 оны 02 дугаар сарын 18-ны өдөр хуралдсан ээлжит хурлын шийдвэр

Хуралд захирал Р.Бат-Эрдэнэ, дэд захирал Б.Болдгив, Ч.Нарантуяа, Г.Баярмагнай, О.Мөнхбат, ТДС-ийн захирал Б.Отгонтөгс, СНА-ны дарга Ч.Ундрам,  МТА-ны дарга А.Баатарбилэг, бүрэлдэхүүн сургуулийн захирлууд Б.Баяртогтох, Ц.Болормаа, С.Баттулга, Ж.Эрдэнэбулган, Н.Баатарбилэг, Хөдөлмөрийн дотоод журам боловсруулах ажлын хэсгийн гишүүдээс: ЗХШҮА-ны ахлах мэргэжилтэн Т.Амартунгалаг,  хуулийн зөвлөх  Б.Энхтайван,  ХЗС-ийн багш С.Болормаа, М.Мөнхбат нар оролцлоо.  ЗХШҮА-ны дарга В.Батцэнгэл чөлөөтэй байлаа.

Хурал Хичээлийн 1 дүгээр байрны 208 тоот хурлын өрөөнд өглөө 10 цагт эхэлж 16.00 минутанд дууслаа.

ХЭЛЭЛЦЭХ АСУУДАЛ

  1. МУИС-ийн Хөдөлмөрийн дотоод журмын төсөл /Ажлын хэсгийн гишүүн      ХЗС-ийн багш Болормаа/
  2. Судалгааг дэмжих жилийн нэг жилийн тайлан /Дэд захирал Б.Болдгив/
  3. “МУИС сурах бичиг” төслийн хүрээнд сурах бичиг хэвлэх ажлын явцын мэдээлэл   /Дэд захирал О.Мөнхбат/
  4. Бизнесийн сургуулийн бүтцийн асуудал /БС-ийн захирал Ц.Болормаа/
  5. Захирлын мэдээлэл

ШИЙДВЭРЛЭСЭН НЬ:

1-р асуудлын хувьд:

Захирлуудын гаргасан саналыг тусган дахин боловсруулж, 14 хоногийн дараа Захиргааны зөвлөлийн хурлаар хэлэлцүүлэхээр шийдвэрлэв.

2-р асуудлын хувьд: 

2014 онд батлагдсан “Судалгааг дэмжих жилийн санхүүжилтийн түр журам”-д нэмэлт өөрчлөлт оруулан боловсруулж хэлэлцүүлэх, мөн үнэлгээгээ үргэлжлүүлэн хийхийг даалгав.

3-р асуудлын хувьд:

“МУИС сурах бичиг” төслийн хүрээнд сурах бичиг хэвлэх ажлын гэрээний биелэлтэнд дүгнэлт гаргуулах, мөн мэргэжлийн хүмүүсээс зөвлөгөө авах болон  дахин  хэлэлцэхээр шийдвэрлэв.

4-р асуудлын хувьд:

БС-ийн бүтцийн асуудлыг 2016.02.23-ны өдрийн Захиргааны зөвлөлийн хурлаар  хэлэлцэхээр болов.