МУИС: “Оюутны Урлагийн Их Наадам” амжилттай болж өнгөрлөө

МУИС-ийн Оюутны алба, МУИСОХ, Оюутан Конгресс хамтран зохион байгуулсан “Оюутны Урлагийн Их Наадам”-2016 өнгөрсөн бямба гарагт Улаанбаатар чуулгын их танхимд амжилттай боллоо.

Жил бүр уламжлал болгон явуулдаг энэхүү наадамд МУИС-ийн ОУХНУС, ХШУИС, Бизнесийн сургууль, ШУС-ийн Байгалийн ухаан, Хүмүүнлэгийн ухаан, Нийгмийн ухааны салбар сургууль, Орхон сургууль гэсэн  бүрэлдэхүүнтэйгээр сургуулийн 300 гаруй авьяаслаг оюутан залуус оролцож авхаалж самбаа авъяас чадвараараа өрсөлдлөө.

Мянга гаруй үзэгч, хөгжөөн дэмжигчдийн халуун алга ташилтаар бүтэн өдрийн турш үргэлжилсэн энэхүү наадмын нээлтийг МУИС-ийн Оюутны албаны дарга Б.Алтангэрэл наадмын үйл ажиллагааг нээсэн бол тэмцээний шүүгчээр МУГЖ дуучин Ч.Насантогтох, МУГЖ бүжигчин н.Батжаргал, МУСТА жүжигчин Ц.Төмөрхуяг нар ажиллаа.

Сургууль сургуулийн “Оюутны урлагийн бага наадам”-аас шигшигдэн гарч ирсэн оюутнуудын тоглолт бүр үзэгчдийн таашаалд хүрч, мэргэжлийн түвшний дуучин, жүжигчнээс дутахааргүй авьяас чадвартай гэсэн үнэлэлтийг ч авч байсан гэдгийг энэ дурьдан хэлэх нь зүйн хэрэг биз.

Гоцлол дуу, шүлэг, хамтлаг дуу, язгуур урлаг, жүжигчилсэн тоглолт, хамтлаг бүжиг гэсэн 7 төрлөөр өрсөлдөж, нийт багийн дүнгээр Шинжлэх ухааны сургуулийн Нийгмийн ухааны салбарын баг хамт олон тэргүүн байрыг эзэлж бусдыгаа манлайлж өргөмжлөл мөнгөн шагналын эзэд боллоо.

Шагналт байранд:

Мэндчилгээ:

1. ШУС-ийн Нийгмийн ухааны салбар
2. Хэрэглээний шинжлэх ухаан, инженерчлэлийн сургууль (ХШУИС)
3. Бизнесийн сургууль

Гоцлол дуу:

1. ШУС-ийн Нийгмийн ухааны салбар
2. ШУС-ийн Хүмүүнлэгийн ухааны салбар
3. Хэрэглээний шинжлэх ухаан, инженерчлэлийн сургууль (ХШУИС)

Ардын урлаг:

1. ШУС-ийн Нийгмийн ухааны салбар
2. Хэрэглээний шинжлэх ухаан, инженерчлэлийн сургууль (ХШУИС)
3. Бизнесийн сургууль

Цэнгээнт бүжиг:

1. ШУС-ийн Нийгмийн ухааны салбар
2. Хэрэглээний шинжлэх ухаан, инженерчлэлийн сургууль (ХШУИС)
3. ШУС-ийн Хүмүүнлэгийн ухааны салбар

Хөгжим

1. Бизнесийн сургууль
2. Орхон 1
3. ШУС-ийн Нийгмийн ухааны салбар

Хамтлаг дуу: 

1. ШУС-ийн Нийгмийн ухааны салбар
2. Орхон 2
3. ШУС-ийн Байгалийн ухааны салбар

Чөлөөт бүжиг:

1. ШУС-ийн Нийгмийн ухааны салбар
2. Хэрэглээний шинжлэх ухаан, инженерчлэлийн сургууль (ХШУИС)
3. Бизнесийн сургууль

Та нартаа сурлага, урлагийн амжилт хүсье. Оролцогч оюутан бүр энэ өдрийн Ялагч юм шүү. Өнөөдөр МУ-ын Үндэсний тэргүүлэх их сургуульд суралцаж байгаа оюутнаас тодорч, үлгэрлэж байгаа учраас.